വണ്ടൂര്‍: എ.പി അനില്‍കുമാര്‍ എം.എല്‍.എക്കെതിരേ വാണിയമ്പലത്ത് ഡി.വൈ.എഫ്.ഐ പ്രവര്‍ത്തകര്‍ കരിങ്കൊടി കാണിച്ചത് സംഘര്‍ഷത്തിനിടയാക്കി. ഇന്നലെ രാവിലെ ഒന്‍പതരയോടെ വാണിയമ്പലം ഹൈസ്‌കൂളില്‍ വിവിധ പരിപാടികള്‍ ഉദ്ഘാടനം ചെയ്യാനെത്തിയതായിരുന്നു എം.എല്‍.എ.
കരിങ്കൊടി പ്രയോഗം തടയാന്‍ യൂത്ത് കോണ്‍ഗ്രസ് പ്രവര്‍ത്തകരുമെത്തിയതോടെയാഢ് വാക്കേറ്റവും സംഘര്‍ഷവുമുണ്ടായത്. രണ്ട് ഡി.വൈ.എഫ്.ഐ പ്രവര്‍ത്തകര്‍ക്ക് പരുക്കേറ്റു. നിലമ്പൂര്‍ സി.ഐ കെ.എം ബിജുവിന്റെ നേതൃത്വത്തിലുള്ള വന്‍ പൊലിസ് സംഘം നേരത്തെ തന്നെ സ്ഥലത്ത് തമ്പടിച്ചിരുന്നു. സംഭവത്തില്‍ പ്രതിഷേധിച്ച് കോണ്‍ഗ്രസ്, യൂത്ത് കോണ്‍ഗ്രസ് പ്രവര്‍ത്തകരും ഡി.വൈ.എഫ്.ഐ പ്രവര്‍ത്തകരെ മര്‍ദിച്ചവരെ പിടികൂടണമെന്നാവശ്യപെട്ട് ഇടതു സംഘടനകളും പ്രകടനം നടത്തി. സംഭവത്തില്‍ ഇരു വിഭാഗങ്ങളില്‍ നിന്നുള്ള അന്‍പതോളം പേര്‍ക്കെതിരെ കേസെടുത്തതായി പൊലിസ് പറഞ്ഞു.