ചെറുപുഴ: നിര്‍ധനരായ രോഗികളുടെ ചികിത്സാ ധനശേഖരണാര്‍ഥം കണ്ണൂര്‍ ഗ്രാമീണ കലാഭവന്‍ നടത്തുന്ന സാന്ത്വന സംഗീത യാത്ര ചെറുപുഴയില്‍ നിന്നും ആരംഭിച്ചു. ചെറുപുഴ ബസ് സ്റ്റാന്റില്‍ വി.സി ഷാജി ഉദ്ഘാടനം ചെയ്തു. കണ്ണൂര്‍, കാസര്‍കോട്, കോഴിക്കോട്, വയനാട് ജില്ലകളിലാണ് യാത്ര പര്യടനം നടത്തുന്നത്. സതീശന്‍ കാഞ്ഞിരത്തുങ്കല്‍, കെ. മധു, സുകുമാരന്‍ പെരിങ്ങാല, ശരണ്യ ബിജുകുമാര്‍ നേതൃത്വം നല്‍കി. ഡിസംബര്‍ 23ന് പാടിയോട്ടുചാലില്‍ നടക്കുന്ന സംഗീത റിയാലിറ്റി ഷോയിലേക്ക് ഉത്തര കേരളത്തിലെ സംഗീത പ്രതിഭകളെ കണ്ടെത്തുന്നതിനും യാത്രയില്‍ ശ്രമിക്കുമെന്ന് സംഘാടകര്‍ അറിയിച്ചു.