തിരൂര്‍: കുടുംബ കൂട്ടായ്മയായ ആക്റ്റ് തിരൂര്‍ സംഘടിപ്പിക്കുന്ന 12-ാമത് ആക്റ്റ് നാടകമേളയ്ക്ക് തിരൂര്‍ വാഗണ്‍ ട്രാജഡി ടൗണ്‍ഹാളില്‍ നാളെ തുടക്കമാകും. നവംബര്‍ ഒന്നു മുതല്‍ 14 വരെയാണ് നാടക മേളയെന്ന് ആക്ട് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. നാളെ വൈകീട്ട് ആറിന് സി മമ്മൂട്ടി എം.എല്‍.എ ഉദ്ഘാടനം ചെയ്യും. നഗരസഭാ ചെയര്‍മാന്‍ അഡ്വ; എസ് ഗിരീഷ് അധ്യക്ഷനാകും. ഈ വര്‍ഷത്തെ ആക്ട് പുരസ്‌കാരം നവംബര്‍ അഞ്ചിന് ശ്രീകുമാരന്‍ തമ്പിയ്ക്ക് സമര്‍പ്പിക്കും. സമാപന സമ്മേളനം ഇ.ടി മുഹമ്മദ് ബഷീര്‍ എം.പി ഉദ്ഘാടനം ചെയ്യും. വാര്‍ത്താസമ്മേളനത്തില്‍ ആക്റ്റ് ഭാരവാഹികളായ ജെ രാജ്‌മോഹന്‍, പി ശശിധരന്‍, ജനാര്‍ദ്ദനന്‍ പേരാമ്പ്ര, എസ് ത്യാഗരാജന്‍, മനോജ് ജോസ്, കരീം മേച്ചേരി, അനില്‍കുമാര്‍, സി രമേഷ് പങ്കെടുത്തു.