തൃക്കരിപ്പൂര്‍: എസ്.വൈ.എസിന്റെ നേതൃത്വത്തില്‍ 'കാലം നമ്മെ വിളിക്കുന്നു' എന്ന പ്രമേയ പ്രഭാഷണ വിചാര സദസ്, ആമിലാ സംഗമം, മജ്‌ലിസുന്നൂര്‍ കാംപയിന്‍ ജില്ലാതല സമാപനവും അഴീക്കല്‍ ശാഖാ സമ്മേളനത്തിനും ഇന്നു എടച്ചാക്കൈയില്‍ തുടക്കമാകും. ഉച്ച കഴിഞ്ഞു രണ്ടിനു സ്വാഗത സംഘം ചെയര്‍മാന്‍ പി. ഷംസുദ്ദീന്‍ ഹാജി പതാക ഉയര്‍ത്തും. ശനി, ഞായര്‍ ദിവസങ്ങളില്‍ ഗൃഹസന്ദര്‍ശനം നടക്കും. തിങ്കള്‍ വൈകീട്ട് നാലിനു ഉണര്‍ത്തുറാലി സംഘടിപ്പിക്കും. ചൊവ്വാഴ്ച്ച രാവിലെ പത്തിനു സൗജന്യ മെഡിക്കല്‍ ക്യാംപ്. ഏഴിന് പൊതുസമ്മേളനവും പ്രമേയ പ്രഭാഷണവും നടക്കും. എസ്.വൈ.എസ് ജില്ലാ പ്രസിഡന്റ് സയ്യിദ് ടി.കെ പൂക്കോയതങ്ങള്‍ ഉദ്ഘാടനം ചെയ്യും. എസ്.വൈ.എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍ വിഷയാവതരണം നടത്തും. സംസ്ഥാന സെക്രട്ടറിയായി തിരഞ്ഞെടുക്കപ്പെട്ട മെട്രോ മുഹമ്മദ് ഹാജിയെ ചടങ്ങില്‍ ആദരിക്കും. തുടര്‍ന്ന് നടക്കുന്ന മജ്‌ലിസുന്നൂറിനു സയ്യിദ് സഫ്‌വാന്‍ തങ്ങള്‍ ഏഴിമലയും കൂട്ടു പ്രാര്‍ഥനക്ക് സമസ്ത കേന്ദ്ര മുശാവറ അംഗം മാണിയൂര്‍ അഹമ്മദ് മുസ്‌ലിയാറും നേതൃത്വം നല്‍കും.