തിരുനന്തപുരം: സംസ്ഥാന സ്‌കൂള്‍ കലോത്സവത്തില്‍ നാല് ഇനങ്ങളില്‍ ആണ്‍കുട്ടികള്‍ക്കും പെണ്‍കുട്ടികള്‍ക്കും ഒരുമിച്ച് മത്സരം നടത്താനുള്ള തീരുമാനം റദ്ദാക്കി. ഓട്ടന്‍തുള്ളല്‍, മിമിക്രി, നാടോടിനൃത്തം, കഥകളി തുടങ്ങിയ മത്സരങ്ങളായിരുന്നു ആണ്‍കുട്ടികള്‍ക്കും പെണ്‍കുട്ടികള്‍ക്കും ഒരുമിച്ച് നടത്താന്‍ തീരുമാനിച്ചിരുന്നത്.
വ്യാപക പ്രതിഷേധത്തെത്തുടര്‍ന്നാണ് തീരുമാനം മാറ്റിയത്. നേരത്തെ ഓരോ വിഭാഗം മത്സരവും വ്യത്യസ്തമായാണ് നടത്തിയിരുന്നത്. ഇത് തുടര്‍ന്നുപോകാന്‍ തന്നെ വിദ്യാഭ്യാസ വകുപ്പ് തീരുമാനിക്കുകയായിരുന്നു. കൂടാതെ 10,000 ആയി ഉയര്‍ത്തിയ അപ്പീല്‍ തുക 5,000 ആയി കുറക്കുകയും ചെയ്തിട്ടുണ്ട്.