മുംബൈ: പാകിസ്താന്‍ സ്ഥാപകന്‍ മുഹമ്മദലി ജിന്നയുടെ മകള്‍ ദിന വാദിയയുടെ അന്ത്യകര്‍മങ്ങള്‍ ഇന്ന് ന്യൂയോര്‍ക്കില്‍ നടക്കുമെന്ന് ബന്ധുക്കള്‍ അറിയിച്ചു. കഴിഞ്ഞ ദിവസം ന്യൂയോര്‍ക്കിലെ സ്വവസതിയില്‍ വച്ചാണ് 98ഉകാരിയായ ദിന അന്തരിച്ചത്. മരണസമയത്ത് അടുത്ത ബന്ധുക്കളും കുടുംബാംഗങ്ങളുമാണ് സമീപത്തുണ്ടായിരുന്നത്.

1919 ഓഗസ്റ്റ് 14ന് ലണ്ടനില്‍ ജനിച്ച ദിന പിന്നീട് അവിടെ തന്നെയായിരുന്നു സ്ഥിര താമസം. തന്റെ ജീവിത കാലത്ത് രണ്ടു തവണ മാത്രമാണ് അവര്‍ പാകിസ്താന്‍ സന്ദര്‍ശിച്ചത്. പിതാവ് അന്തരിച്ച സമയത്തും പിന്നീട് 2004ലും. മുബൈയിലെ വ്യവസായിയായിരുന്ന നവില്ലെ വാദിയയെയാണ് ദിന വിവാഹം ചെയ്തത്.