പയ്യാവൂര്‍: ഇരിക്കൂര്‍ ഉപജില്ലാ കലോത്സവത്തില്‍ ഉളിക്കല്‍ വയത്തൂര്‍ യു.പി സ്‌കൂളിന് മിന്നും ജയം. എല്‍.പി, യു.പി വിഭാഗങ്ങളില്‍ മത്സരിച്ച എല്ലാ ഇനങ്ങളിലും എ ഗ്രേഡോടെ ഓവറോള്‍ നേടി. ശാസ്ത്രമേളയില്‍ ഗണിതശാസ്ത്ര, സാമൂഹ്യ ശാസ്ത്ര, സയന്‍സ് മേളകളിലും വയത്തൂര്‍ നേട്ടം കൊയ്തിരുന്നു. അനുമോദന യോഗം ഉളിക്കല്‍ പഞ്ചായത്ത് പ്രസിഡന്റ് ഷേര്‍ളി അലക്‌സാണ്ടര്‍ ഉദ്ഘാടനം ചെയ്തു. സ്‌കൂള്‍ മാനേജര്‍ ഫാ. ഫിലിപ്പ് ഇരുപ്പക്കാട്ട് അധ്യക്ഷനായി. പ്രധാനധ്യാപകന്‍ ടി.ജെ ജോര്‍ജ്, ഗീത സെബാസ്റ്റ്യന്‍, പി.ടി.എ പ്രസിഡന്റ് ആര്‍. സുജി, മദര്‍ പി.ടി.എ പ്രസിഡന്റ് നിഷ ദിലീപ്, അപ്പച്ചന്‍ കുമ്പുങ്കല്‍, ജിന്‍സ് ഉളിക്കല്‍, ഒ.എസ് ലിസി, ഷിന്റോ കെ. മാത്യു സംസാരിച്ചു. ജേതാക്കളെ ആനയിച്ച് ഉളിക്കല്‍ ടൗണില്‍ ഘോഷയാത്ര നടത്തി. ബിബിന്‍ മാത്യു, മേരിക്കുട്ടി തോമസ്, ടിനു ജോണ്‍സ്, പ്രസ്റ്റിന്‍ തോമസ് അയ്യങ്കാനാല്‍, ജോണിക്കുട്ടി ജോസഫ്, സിസ്റ്റര്‍ ലിസ് റോസ്, പി.എ പാരിഷ നേതൃത്വം നല്‍കി.