കണ്ണൂര്‍: സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ കമ്മിറ്റി സംഘടിപ്പിക്കുന്ന ജില്ലാ സദര്‍ മുഅല്ലിം സംഗമം ഇന്ന് പുഷ്പഗിരി നന്‍മ ഓഡിറ്റോറിയത്തില്‍ നടക്കും. രാവിലെ 6.30ന് ജില്ലാ എക്‌സിക്യൂട്ടിവ് മീറ്റ് എം. മഹമൂദ് മൗലവിയും 7.30ന് ജില്ലാ കൗണ്‍സില്‍ മീറ്റ് മുസ്തഫ ദാരിമി അടിവാരവും 8.30ന് രജിസ്‌ട്രേഷന്‍ സി.കെ മുഹമ്മദ് മുസ്‌ലിയാര്‍ പെരുവണയും ഉദ്ഘാടനം ചെയ്യും.
ഒന്‍പതിന് പാണക്കാട് റഷീദലി ശിഹാബ് തങ്ങള്‍ സംഗമം ഉദ്ഘാടനം ചെയ്യും. മാണിയൂര്‍ അബ്ദുറഹ്മാന്‍ ഫൈസി അധ്യക്ഷനാകും. ഖാസി ടി.എസ് ഇബ്രാഹിം മുസ്‌ലിയാര്‍ മുഖ്യാതിഥിയാകും. എ.കെ അബ്ദുല്‍ ബാഖി മുഖ്യപ്രഭാഷണം നടത്തും. മുഅല്ലിം ക്ഷേമനിധി ഉപഹാര സമര്‍പ്പണം കെ.കെ.പി അബ്ദുല്ല ഫൈസി നിര്‍വഹിക്കും. റമദാന്‍ കലക്ഷന്‍ ഉപഹാര സമര്‍പ്പണം സയ്യിദ് കെ.പി.പി തങ്ങള്‍ ബുഹാരി, ജാമിഅ അസ്അദിയ ഉപഹാര സമര്‍പ്പണം എസ്.കെ ഹംസ ഹാജി, ക്ഷേമനിധി സഹായ വിതരണം മഹമൂദ് അള്ളാംകുളം, വേങ്ങാട് ആട് പദ്ധതി സമര്‍പ്പണം ഉസ്മാന്‍ ഹാജിയും എസ്.കെ.എസ്.ബി.വി തഖ്‌വിയ്യ പ്രകാശനം അഫ്‌സല്‍ രാമന്തളിയും നിര്‍വഹിക്കും.
10ന് റാഷിദ് ഗസ്സാലി(സദര്‍ മുഅല്ലിം ധര്‍മവും നിയോഗവും), 11.30ന് അബ്ദുല്‍ ജലീല്‍ റഹ്മാനി(ദഅ്‌വത്ത് നമ്മുടെ ബാധ്യത, സാധ്യത), 1.30ന് കെ.എച്ച് കോട്ടപ്പുഴ(മദ്‌റസയുടെ അകത്തളം) എന്നിവര്‍ വിഷയാവതരണം നടത്തും.
വൈകിട്ട് മൂന്നിന് സമാപന യോഗം പ്രൊഫ. കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. കെ.ടി അബ്ദുല്ല മൗലവി അധ്യക്ഷനാകും. അഞ്ചരക്കണ്ടി അബ്ദുറഹ്മാന്‍ മുഖ്യാതിഥിയാകും. സയ്യിദ് മശ്ഹൂര്‍ ഉമര്‍കോയ തങ്ങള്‍ ദുആ മജ്‌ലിസിന് നേതൃത്വം നല്‍കും. വിവിധ സംഘടനാ നേതാക്കള്‍ പങ്കെടുക്കുമെന്ന് ജംഇയ്യത്തുല്‍ മുഅല്ലിമീന്‍ കണ്ണൂര്‍ ജില്ലാ ജനറല്‍ സെക്രട്ടറി അബ്ദുസമദ് മുട്ടം അറിയിച്ചു.