തിരുവനന്തപുരം:ഇടതുമുന്നണിയില്‍ ഉടലെടുത്ത തര്‍ക്കം തുടരുന്നതിനിടെ സി.പി.ഐ സംസ്ഥാന എക്‌സിക്യൂട്ടീവ് ഇന്നു ചേരും. പാര്‍ട്ടിനിലപാടിനെതിരെ പ്രതികരിച്ച കെ.ഇ ഇസ്മയിലിനെതിരായ നടപടിയെ കുറിച്ച് നേതൃയോഗം ഇന്ന് ചര്‍ച്ച ചെയ്യും. ദേശീയ നിര്‍വാഹക സമിതി അംഗമായതിനാല്‍ നടപടിയ്ക്കുള്ള ശുപാര്‍ശയാവും യോഗത്തില്‍ തീരുമാനിക്കുക.

സി.പി.എമ്മുമായി നേര്‍ക്കുനേര്‍ പോരാട്ടം തുടരുന്നതിനിടെ, ഇസ്മയില്‍ നടത്തിയ പ്രസ്താവന പ്രതിരോധം ദുര്‍ബലമാക്കിയതാണെന്നാണ് വിലയിരുത്തല്‍

മന്ത്രിസഭായോഗം ബഹിഷ്‌കരിച്ച പാര്‍ട്ടി മന്ത്രിമാരുടെ നിലപാട് സി.പി.ഐയിലും ഇടതുമുന്നണിയിലും ഏറെ വിവാദം സൃഷ്ടിച്ച സാഹചര്യത്തിലാണു യോഗം ചേരുന്നത്.