കോവളം : വെങ്ങാനൂര്‍ പഞ്ചായത്തിന്റെ   നേതൃത്വത്തില്‍ ആരംഭിച്ച ജൈവകൃഷിയുടെ  ഉദ്ഘാടനം പഞ്ചായത്ത് പ്രസിഡന്റ് ജി എസ് ശ്രീകല നിര്‍വ്വഹിച്ചു. വൈസ് പ്രസിഡന്റ വെങ്ങാനൂര്‍ സതീഷിന്റെ നേതൃത്വത്തിലാണ് പദ്ധതി നടപ്പിലാക്കുന്നത്.
തൊഴിലുറപ്പ് പദ്ധതി എഞ്ചിനീയര്‍ ജിജി, കൃഷി ഓഫിസര്‍ ഹരിപ്രിയ, ജനപ്രതിനിധികള്‍,  ഉദ്യോഗസ്ഥര്‍ തുടങ്ങിയവര്‍ ചടങ്ങില്‍ പങ്കെടുത്തു.
 ഭൂമി  പാട്ടത്തിനെടുത്ത കരനെല്‍, ജൈവ പച്ചക്കറി, വാഴ എന്നിവയാണ് ആദ്യ ഘട്ടത്തില്‍ കൃഷി ചെയ്യുന്നത്.തൊഴിലുറപ്പ് പദ്ധതിയുടെ അംഗങ്ങള്‍ക്കാണ് കൃഷിഭൂമി ഒരുക്കുന്നതിനുള്ള ചുമതല. കൃഷിക്ക് ആവശ്യമായ അത്യല്‍പ്പാദന ശേഷിയുള്ള വിത്തുകള്‍ ഹോര്‍ട്ടികോര്‍പ്പ്
വിതരണം ചെയ്യും. കൃഷിയോട് താല്‍പര്യമുള്ളവരെ കണ്ടെത്തി പത്തിനും പതിനഞ്ചിനും ഇടയ്ക്ക് വരുന്ന ഗ്രൂപ്പുകളായി തരം തിരിച്ചാണ് പദ്ധതി നടപ്പിലാക്കുന്നത്.