കോഴിക്കോട്: ആധാര്‍ കാര്‍ഡ് വിവരങ്ങള്‍ ആരെങ്കിലും ദുരുപയോഗം ചെയ്യുന്നുണ്ടോയെന്ന് അറിയാനുള്ള സംവിധാനം യു.ഐ.ഡി.എ.ഐ ഏര്‍പ്പെടുത്തി. ആധാര്‍ സുരക്ഷിതമാക്കാനാണ് ആധാര്‍ ഹിസ്റ്ററി അറിയാനുള്ള സംവിധാനം ഏര്‍പ്പെടുത്തിയതെന്നാണ് യു.ഐ.ഡി.എ.ഐ പറയുന്നത്. ബയോമെട്രിക് വിവരങ്ങള്‍ അടക്കം ഒരു വ്യക്തിയുടെ സ്വകാര്യതയാണ് ആധാറില്‍ ഉള്ളത്. ഇത് ദുരുപയോഗം ചെയ്യുന്നത് ഗുരുതരമായ പ്രത്യാഘാതങ്ങള്‍ക്ക് വഴിവെക്കും. നിശ്ചിത കാലപരിധിക്കുള്ളില്‍ നിങ്ങളുടെ ആധാര്‍ മറ്റാരെങ്കിലും എവിടെയെങ്കിലും ഉപയോഗിച്ചിട്ടുണ്ടോയെന്നാണ് അറിയാനാകുക. എന്നാല്‍ ഉപയോഗിച്ചയാളെ കുറിച്ചുള്ള വിവരങ്ങള്‍ നല്‍കില്ല. ഓണ്‍ലൈനായി ആധാര്‍ സുരക്ഷ പരിശോധിക്കാനുള്ള ലിങ്കും പുറത്തുവന്നു.
ആധാര്‍ വിവരങ്ങളുടെ ദുരുപയോഗം അറിയാന്‍ വേേു:െലശെറലി.tuശറമശ.ഴീ്.ശിിീശേളശരമശേീിമമറവമമൃ എന്ന ലിങ്കില്‍ പ്രവേശിച്ച് ആധാര്‍ നമ്പറും സുരക്ഷാ കോഡും നല്‍കുകയാണ് വേണ്ടത്. തുടര്‍ന്ന് ആധാര്‍ രജിസ്റ്റര്‍ ചെയ്ത നമ്പറിലേക്ക് ഒ.ടി.പി സന്ദേശം വരും. ഇത് നല്‍കി മുന്നോട്ടു പോകാം. ഏതു കാലയളവിനുള്ളിലെ വിവരങ്ങളാണ് അറിയേണ്ടതെന്ന് രേഖപ്പെടുത്തിയാല്‍ ഇക്കാലയളവിനുള്ളില്‍ ആധാര്‍ നമ്പര്‍ ആരെങ്കിലും ഉപയോഗിക്കാന്‍ ശ്രമിച്ചിട്ടുണ്ടോയെന്ന് കൃത്യമായി അറിയാന്‍ കഴിയും. എന്നാല്‍ ആരാണ് നിങ്ങളുടെ ആധാര്‍ ഉപയോഗിക്കാന്‍ ശ്രമിച്ചതെന്ന് അറിയാന്‍ കഴിയില്ല.
സംശയകരമായി എന്തെങ്കിലും കണ്ടെത്തിയാല്‍ ഉടന്‍ തന്നെ നിങ്ങളുടെ ആധാര്‍ വിവരങ്ങള്‍ ലോക്ക് ചെയ്യാനുള്ള സൗകര്യവും ഇതിലുണ്ട്. പിന്നീട് നിങ്ങള്‍ക്ക് ആവശ്യമുള്ളപ്പോള്‍ ഇത് അണ്‍ലോക്ക് ചെയ്യാനും കഴിയും.