ധാക്ക: പെണ്‍കുട്ടികളുടെ സാഫ് അണ്ടര്‍ 15 ഫുട്‌ബോള്‍ ചാംപ്യന്‍ഷിപ്പില്‍ ഇന്ത്യക്ക് രണ്ടാം സ്ഥാനം. ഫൈനലില്‍ ആതിഥേയരായ ബംഗ്ലാദേശ് മറുപടിയില്ലാത്ത ഒറ്റ ഗോളിന് ഇന്ത്യയെ വീഴ്ത്തി കിരീടം സ്വന്തമാക്കുകയായിരുന്നു.
നേരത്തെ ഭൂട്ടാന്‍, നേപാള്‍ ടീമുകളെ പരാജയപ്പെടുത്തിയാണ് ഇന്ത്യ മുന്നേറിയത്. പക്ഷേ ഫൈനല്‍ പോരില്‍ ഷംസുന്‍ നഹര്‍ നേടിയ ഗോള്‍ ഇന്ത്യന്‍ പ്രതീക്ഷകള്‍ അവസാനിപ്പിച്ചു.
41ാം മിനുട്ടിലാണ് താരം ബംഗ്ലാദേശിനായി വല ചലിപ്പിച്ചത്.