മനാമ: ബഹ്‌റൈനില്‍ ജോലി ചെയ്യുന്ന വടകര ഇരിങ്ങല്‍ മൂരാട് സ്വദേശി അബ്ദുല്‍ റസാഖ് (49) ബഹ്‌റൈനില്‍ നിര്യാതനായി.

18 വര്‍ഷത്തോളമായി ബഹ്‌റൈന്‍ പ്രവാസിയായ ഇദ്ദേഹത്തെ നെഞ്ച് വേദനയെ തുടര്‍ന്ന് രണ്ട് ദിവസം മുമ്പ് ബഹ്‌റൈനിലെ സല്‍മാനിയ മെഡിക്കല്‍ സെന്ററില്‍ പ്രവേശിപ്പിച്ചിരുന്നു. തുടര്‍ന്ന് കഴിഞ്ഞ ദിവസമാണ് മരിച്ചത്.

ഭാര്യ നസീമ, മക്കള്‍ ഷംല, ഷഫീഖ്, തസ്ലീമ. ജാമാതാക്കള്‍ -ദില്‍ഷാദ് (ബഹ്‌റൈന്‍), സൗജല്‍.

മൃതദേഹം നാട്ടിലെത്തിക്കാനുള്ള ശ്രമങ്ങള്‍ പുരോഗമിക്കുകയാണ്.