ദുബൈ എയർപോർട്ടിൽ നിന്ന് പാം ജുമൈറയിലേക്ക് 10 മിനിറ്റ് ?; ദുബൈയിൽ എയർ ടാക്സി എത്തുന്നു

ദുബൈ എയർപോർട്ടിനും പാം ജുമൈറയ്ക്കും ഇടയിലുള്ള യാത്രാ സമയം 30-45 മിനിറ്റിൽ നിന്ന് 10 മിനിറ്റായി കുറച്ചാലോ? 2026 - ഓടെ ദുബൈയിൽ എയർ ടാക്സി ഓടിത്തുടങ്ങുന്നതോടെയാണ് യാത്ര സമയം ഗണ്യമായി കുറയുക. ദുബൈയില്‍ എയര്‍ ടാക്‌സി ആരംഭിക്കുന്നതിനായി ദുബൈ റോഡ് ആന്‍ഡ് ട്രാന്‍സ്‌പോര്‍ട്ട് അതോറിറ്റിയും ജോബി ഏവിയേഷനുമായി കരാര്‍ ഒപ്പു വച്ചു.

മണിക്കൂറിൽ 320 കിലോമീറ്റർ വേഗതയിൽ എയർ ടാക്‌സികൾ സർവിസ് നടത്തുമെന്ന് ദുബൈയിലെ റോഡ്‌സ് ആൻഡ് ട്രാൻസ്‌പോർട്ട് അതോറിറ്റിയിലെ പബ്ലിക് ട്രാൻസ്‌പോർട്ട് ഏജൻസി സിഇഒ അഹമ്മദ് ബഹ്‌റോസിയാൻ അറിയിച്ചു. വേഗത, റേഞ്ച്, പരിമിതമായ ചാർജിംഗ് സമയം എന്നിവ ഉപയോഗിച്ച്, ഈ വാഹനങ്ങൾക്ക് 10 മിനിറ്റോ അതിൽ കുറവോ സമയത്തിനുള്ളിൽ ദുബൈ എയർപോർട്ടിൽ നിന്ന് പാം ജുമൈറയിലെ വെർട്ടിപോർട്ടിലേക്ക് യാത്രക്കാരെ കൊണ്ടുപോകാൻ കഴിയും - അദ്ദേഹം പറഞ്ഞു.

ദുബൈ വിമാനത്താവളം, ദുബൈ ഡൗണ്‍ടൗണ്‍, ദുബൈ മറീന, പാം ജുമൈറ എന്നിവിടങ്ങളിലായിരിക്കും ആദ്യ ഘട്ടത്തില്‍ സര്‍വിസ്. 2026ഓടെ എയര്‍ ടാക്‌സി സര്‍വീസ് തുടങ്ങാനാണ് പദ്ധതി. പ്രാരംഭ പ്രവര്‍ത്തനങ്ങള്‍ അടുത്ത വര്‍ഷം ആദ്യം തന്നെ പൂര്‍ത്തിയാക്കും. വിവിധ എമിറേറ്റുകൾക്കിടയിൽ യാത്രക്കാരെ കൊണ്ടുപോകാൻ വിമാനം ഉപയോഗിക്കാം.

ടാക്‌സികൾക്ക് ഇറങ്ങാനുള്ള വെർട്ടിപോർട്ടുകൾ നിർമ്മിക്കുന്ന സ്‌കൈപോർട്ടുകൾ, എയർക്രാഫ്റ്റ് ഓപ്പറേറ്ററായ ജോബി, ആർടിഎ എന്നിവയ്‌ക്കിടയിലുള്ള ത്രീ-വേ പങ്കാളിത്തമാണ് ഇത്തരത്തിലുള്ള ആദ്യത്തെ, അതിമോഹമായ എയർ ടാക്സി പ്രോജക്റ്റ്. അത് മുഴുവൻ പ്രവർത്തനവും നിയന്ത്രിക്കും. വേൾഡ് ഗവൺമെൻ്റ് സമ്മിറ്റിൽ (WGS) 2024, മൂന്ന് കക്ഷികളും തമ്മിൽ കരാറുകൾ ഒപ്പുവച്ചതോടെ പദ്ധതി യാഥാർത്ഥ്യത്തിലേക്ക് ഒരു പടി കൂടി അടുത്തു.

ആറ് വര്‍ഷത്തേക്കാണ് എയര്‍ടാക്‌സി സര്‍വിസിനായി ജോബി ഏവിയേഷനുമായി കരാര്‍ ഒപ്പുവച്ചിരിക്കുന്നത്. വാണിജ്യ യാത്രാ ആവശ്യങ്ങള്‍ക്കായുള്ള ഇലക്ട്രിക് എയര്‍ക്രാഫ്റ്റ് നിര്‍മിക്കുന്ന കമ്പനിയാണ് ജോബി ഏവിയേഷന്‍. 2023 നവംബറില്‍ ന്യൂയോര്‍ക്ക് സിറ്റിയില്‍ ആദ്യമായി ഇലക്ട്രിക് എയര്‍ടാക്‌സി അവതരിപ്പിച്ചതും കമ്പനിയാണ്. ഇതുകൂടെ 2023 സെപ്റ്റംബറില്‍ യു.എസ് പ്രതിരോധ വകുപ്പിനായി ഇലക്ട്രിക് എയര്‍ ടാക്‌സി ഡെലിവറി ചെയ്തിരുന്നു.