മസ്കത്ത്:ഒമാനിലെ എല്ലാ വിദ്യാലയങ്ങൾക്കും 2024 ഫെബ്രുവരി 25-ന് അവധിയായിരിക്കുമെന്ന് ഒമാൻ വിദ്യാഭ്യാസ മന്ത്രാലയം അറിയിച്ചു. ഇന്നലെ ഒമാൻ ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.

ഈ തീരുമാന പ്രകാരം, ഒമാനിലെ മുഴുവൻ പൊതു, സ്വകാര്യ വിദ്യാലയങ്ങൾക്കും 2024 ഫെബ്രുവരി 25, ഞായറാഴ്ച അവധിയായിരിക്കും. ഒമാനി ടീച്ചേർസ് ഡേയുമായി ബന്ധപ്പെട്ടാണ് ഈ അവധി.

എല്ലാ വർഷവും ഫെബ്രുവരി 24-നാണ് ഒമാനി ടീച്ചേർസ് ഡേ ആഘോഷിക്കുന്നത്. ഈ വർഷം ഒമാനി ടീച്ചേർസ് ഡേ ശനിയായാഴ്ചയായതിനാലാണ് ഫെബ്രുവരി 25-ന് കൂടി അവധി നൽകാനുള്ള തീരുമാനം.

Content Highlights:Schools holiday in Oman on February 25