ദോഹ:ഖത്തറിന്റെ വിവിധ ഇടങ്ങളിൽ ചെറിയ രീതിയിലുള്ള പൊടിക്കാറ്റ് ഈ ആഴ്ചയും തുടരാനിടയുണ്ടെന്ന് ഖത്തർ ദേശീയ കാലാവസ്ഥാ കേന്ദ്രം അറിയിച്ചു. 2024 ഫെബ്രുവരി 18-നാണ് ഖത്തർ ദേശീയ കാലാവസ്ഥാ കേന്ദ്രം ഇത് സംബന്ധിച്ച അറിയിപ്പ് നൽകിയത്.

ഇതോടൊപ്പം ഈ ആഴ്ചയിൽ രാത്രികാലങ്ങളിൽ അന്തരീക്ഷ താപനില കുറയാനിടയുണ്ടെന്നും കാലാവസ്ഥാ കേന്ദ്രം അറിയിച്ചിട്ടുണ്ട്. 26 നോട്ട് വരെ വേഗത്തിലുള്ള വടക്കുപടിഞ്ഞാറൻ കാറ്റ് തുടരുമെന്ന് കാലാവസ്ഥാ കേന്ദ്രം അറിയിച്ചു.

ഇത് തുറസ്സായ മേഖലകളിൽ പൊടിക്കാറ്റായി മാറാനിടയുണ്ടെന്നും കാലാവസ്ഥാ കേന്ദ്രം വ്യക്തമാക്കി. കടൽ ചില സമയങ്ങളിൽ പ്രക്ഷുബ്ധമാകാമെന്നും, 14 അടിവരെ ഉയരത്തിലുള്ള തിരമാലകൾക്ക് സാധ്യതയുള്ളതിനാൽ കടലിൽ പോകുന്നത് ഒഴിവാക്കണമെന്നും കാലാവസ്ഥാ കേന്ദ്രം കൂട്ടിച്ചേർത്തു.

Content Highlights:Chance of dust storm in Qatar this week too

ഖത്തർ-ഇന്ത്യ സര്‍വീസുമായി 'ആകാശ എയര്‍'

ദോഹ: ഖത്തറിൽ നിന്ന് ഇന്ത്യയിലേക്ക് പുതിയ വിമാന സർവീസ്. ദോഹയിൽ നിന്ന് മുംബൈയിലേക്കാണ് പുതിയ സർവീസ് ലഭിക്കുക. ഇന്ത്യയിലെ പുതിയ വിമാന കമ്പനിയായ 'ആകാശ എയർ' ആണ് സർവീസ് നടത്തുന്നത്. മാർച്ച് 28ന് മുംബൈയിൽ നിന്നാണ് ദോഹയിലേക്കാണ് ആദ്യ സർവീസ്. ‌അധികം വൈകാതെ കേരളത്തിലേക്കും സർവീസ് ആരംഭിക്കാനാണ് വിമാന കമ്പനിയുടെ നീക്കം.

ആഭ്യന്തര സർവീസുകള്‍ മാത്രം നടത്തിയിരുന്ന വിമാന കമ്പനിയായിരുന്നു ആകാശ. എന്നാൽ ഇപ്പോൾ ആഭ്യന്തര, അന്താരാഷ്ട്ര സർവീസുകൾക്ക് തുടക്കം കുറിക്കുകയാണ്. വിമാന കമ്പനിയുടെ ആദ്യത്തെ അന്താരാഷ്ട്ര യാത്രയായിരിക്കും മുംബൈ-ദോഹ സെക്ടറിലേക്കുള്ള യാത്ര. ആഴ്ചയിൽ നാല് സർവീസുകളായിരിക്കും ആകാശ എയർ ഈ സെക്ടറിലേക്ക് നടത്തുക. ആകാശ എയറിൻ്റെ ഔദ്യോഗിക വെബ്‌സൈറ്റ്, മൊബൈൽ ആപ്പുകൾ, പ്രമുഖ ഓൺലൈൻ ട്രാവൽ ഏജൻസികൾ വഴിയും ഫ്ലെയ്റ്റ് ബുക്കിങ് ആരംഭിച്ചിട്ടുണ്ട്.

വിമാന യാത്രയുമായി ബന്ധപ്പെട്ട് ഖത്തറില്‍ നിന്നുള്ള അമിത നിരക്കിന് ആശ്വാസം പകരാൻ ആകാശ എയർ ഒരു പരിധി വരെ സഹായിക്കും. 19 മാസത്തിനുള്ളിൽ റെക്കോഡ് കാലയളവിൽ വിദേശത്തേക്ക് പറക്കുന്ന ആദ്യ ഇന്ത്യൻ എയർലൈനായി മാറുകയാണ് ആകാശ എയർ.