എല്‍.എല്‍.എം പ്രവേശന പരീക്ഷ; ഫീസ് റീഫണ്ടിന് മാര്‍ച്ച് 10നകം അപേക്ഷിക്കണം

2023-24 അധ്യായന വര്‍ഷത്തെ എല്‍.എല്‍.എം പ്രവേശനവുമായി ബന്ധപ്പെട്ട് പ്രവേശനപരീക്ഷാ കമ്മീഷണര്‍ക്ക് ഫീസ് അടച്ചവരില്‍ റീഫണ്ടിന് അര്‍ഹതയുള്ള വിദ്യാര്‍ഥികള്‍ക്ക് തുക ബാങ്ക് അക്കൗണ്ട് വഴി തിരികെ നല്‍കുന്നതിനുള്ള നടപടികള്‍ ആരംഭിച്ചു. ഇതുവരെയും അക്കൗണ്ട് വിവരങ്ങള്‍ അപ് ലോഡ് ചെയ്യാത്തവര്‍ക്കും തെറ്റായ വിവരങ്ങള്‍ നല്‍കിയത് കാരണം റീഫണ്ട് ലഭിക്കാത്തവര്‍ക്കുമാണ് അവസരം.

അര്‍ഹതയുള്ള വിദ്യാര്‍ഥികളുടെ ലിസ്റ്റ് വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്. വിദ്യാര്‍ഥികള്‍ ബാങ്ക് അക്കൗണ്ട് വിവരങ്ങള്‍ മാര്‍ച്ച് 10ന് വൈകീട്ട് അഞ്ചിനകം ഓണ്‍ലൈനായി നല്‍കണം. വിവരങ്ങള്‍ക്ക് www.cee.kerala.gov.in സന്ദര്‍ശിക്കുക. വിവരങ്ങള്‍ക്ക്: 0471 2525300.