എടവണ്ണപ്പാറ : വിഷരഹിത പഞ്ചായത്തിന് ഊന്നല്‍ നല്‍കി ചീക്കോട് ഗ്രാമ പഞ്ചായത്തു വാര്‍ഷിക പദ്ധതി അവതരിപ്പിച്ചു. ജൈവ പച്ചക്കറിയെ പ്രോത്സാഹിപ്പിക്കുകയും കാര്‍ഷിക മേഖലക്ക് ഊന്നല്‍ നല്‍കിയുമാണു വാര്‍ഷിക പദ്ധതി. പഞ്ചായത്ത് കോണ്‍ഫറന്‍സ് ഹാളില്‍ നടന്ന വികസന സെമിനാര്‍ ടി.വി ഇബ്രാഹിം എംഎല്‍എ ഉദ്ഘാടനം ചെയ്തു.
ഗ്രാമ പഞ്ചായത്ത് പ്രസിഡന്റ് കെ.പി സഈദ് അധ്യക്ഷനായി.സ്റ്റാന്റിംഗ് കമ്മറ്റി ചെയര്‍മാന്‍മാരായ മുഹമ്മദലി, എളങ്കയില്‍ മുംതാസ്, ഷാഹുല്‍ ഹമീദ് എന്നിവരും രാഷ്ട്രീയ പ്രതിനിധികളായ ഇമ്പിച്ചിമോതി മാസ്റ്റര്‍ (മുസ്‌ലിം ലീഗ് ),വി.കെ അബ്ദുല്‍ അസീസ് (കോണ്‍ഗ്രസ് ), അയ്യപ്പന്‍ (സി.പി.എം ), പഞ്ചായത്തംഗങ്ങളായ താഹിറ, സാജിദ ഇഖ്ബാല്‍, സൈനബ പട്ടാക്കല്‍, നാരായണന്‍, ധന്യ, ഉമ്മര്‍,നസീറ മാടശ്ശേരി, അസ്‌ലം മാസ്റ്റര്‍, ബുഷ്‌റ, മുഹമ്മദ് ബഷീര്‍, സുലോചന, സമദ് മാസ്റ്റര്‍, ശ്രീജ , കൃഷിഭവന്‍ ഓഫിസര്‍, ഹെല്‍ത്ത് ഇന്‍സ്‌പെക്ട്ടര്‍ തുടങ്ങിയവര്‍ സംസാരിച്ചു. പഞ്ചായത്ത് വൈസ്പ്രസിഡന്റ് റസിയ സ്വാഗതവും ഗഫൂര്‍ നന്ദിയും പറഞ്ഞു.