മലപ്പുറം: സമസ്ത അധ്യക്ഷനായിരുന്ന കാളമ്പാടി മുഹമ്മദ് മുസ്‌ലിയാരുടെ ഉറൂസിനോടനുബന്ധിച്ച് എസ്.കെ.എസ്.എസ്.എഫ് ജില്ലാ കമ്മിറ്റി സംഘടിപ്പിക്കുന്ന അനുസ്മരണവും ഖത്മുല്‍ ഖുര്‍ആന്‍ മജ്‌ലിസും നാളെ വൈകീട്ട് നാലിനു മലപ്പുറം കാളമ്പാടിജുമാമസ്ജിദ് മഖാമില്‍ നടക്കും. സമസ്ത ഉപാധ്യക്ഷന്‍ എം.ടി.അബ്ദുല്ല മുസ്‌ലിയാര്‍ഉദ്ഘാടനം ചെയ്യും. ഖത്മുല്‍ ഖുര്‍ആന്‍ മജ്‌ലിസിനു സമസ്ത കേന്ദ്ര മുശാവറ അംഗം ടി.പി ഇപ്പ മുസ്‌ലിയാര്‍ നേതൃത്വം നല്‍കും. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി കോട്ടുമല ടി.എം.ബാപ്പു മുസ്‌ലിയാര്‍, സയ്യിദ് നിയാസലി തങ്ങള്‍, ശഹീര്‍ അന്‍വരി പുറങ്ങ് പങ്കെടുക്കും. ജില്ലാ സെക്രട്ടറിയേറ്റ് അംഗങ്ങള്‍, സബ് കമ്മിറ്റി ഭാരവാഹികള്‍, ഏരിയാ പ്രസിഡന്റ്, സെക്രട്ടറിമാര്‍ എന്നിവര്‍ ഖത്മുല്‍ ഖുര്‍ആന്‍ മജ്‌ലിസില്‍ പങ്കെടുക്കണം. പരിപാടിയുടെ വിജയത്തിനായി ചേര്‍ന്ന ജില്ലാ കണ്‍വന്‍ഷനില്‍ വൈസ് പ്രസിഡന്റ് ശമീര്‍ ഫൈസി ഒടമല അധ്യക്ഷനായി. സയ്യിദ് ഹാശിറലി ശിഹാബ് തങ്ങള്‍ ഉദ്ഘാടനം ചെയ്തു.