തിരുവന്തപുരം
കേന്ദ്രസർക്കാർ കേരളത്തോട് കാണിക്കുന്ന അവഗണനക്കെതിരേ സി.പി.ഐ നടത്തുന്ന പ്രതിഷേധത്തിന് നാളെ തുടക്കമാകും. 15, 16 തീയതികളിൽ സംസ്ഥാനത്തെ എല്ലാ മണ്ഡലങ്ങളിലും വാഹനജാഥ സംഘടിപ്പിക്കും. മണ്ഡലം സെക്രട്ടറിമാർ ജാഥകൾക്ക് നേതൃത്വം നൽകും.

17 ന് എല്ലാ മണ്ഡലത്തിലെയും തിരഞ്ഞെടുക്കപ്പെട്ട കേന്ദ്രസർക്കാർ ഓഫിസുകൾക്ക് മുന്നിൽ ധർണ നടത്തും.
തിരുവനന്തപുരത്ത് ജി.പി.ഒ ക്ക് മുന്നിലെ ധർണ സംസ്ഥാന സെക്രട്ടറി കാനം രാജേന്ദ്രൻ ഉദ്ഘാടനം ചെയ്യും. കേന്ദ്ര സെക്രട്ടേറിയറ്റംഗം ബിനോയ് വിശ്വം എറണാകുളത്തും കേന്ദ്ര കൺട്രോൾ കമ്മിഷൻ ചെയർമാൻ പന്ന്യൻ രവീന്ദ്രൻ തിരുവനന്തപുരത്ത് മലയിൻകീഴിലും ധർണ ഉദ്ഘാടനം ചെയ്യും.