കൊച്ചി
വ്‌ളോഗർ ശ്രീകാന്ത് വെട്ടിയാറിനെതിരേ ബലാത്സംഗ കേസ്. കൊല്ലം സ്വദേശിയായ യുവതി കൊച്ചി സിറ്റി പൊലിസ് കമ്മിഷണർക്ക് നൽകിയ പരാതിയിൽ സെൻട്രൽ പൊലിസാണ് കേസെടുത്തത്. കൊച്ചിയിലെ ഹോട്ടലിലും ആലുവയിലെ ഫ്‌ളാറ്റിലും വച്ച് പീഡിപ്പിച്ചുവെന്നാണ് പരാതി. ഒളിവിലുള്ള ശ്രീകാന്ത് വെട്ടിയാറിനായി തിരച്ചിൽ ആരംഭിച്ചു.

യൂട്യൂബ് വ്‌ളോഗിങ്ങിലൂടെയും ട്രോൾ വിഡിയോകളിലൂടെയും പ്രശസ്തനായ ശ്രീകാന്തിനെതിരേ ലൈംഗിക ആരോപണം ഉയർന്നിട്ട് അധികമായില്ല.
'വിമൻ എഗേൻസ്റ്റ് സെക്ഷ്വൽ ഹരാസ്‌മെൻ്റ്' എന്ന ഫേസ്ബുക്ക് പേജിലൂടെ ശ്രീകാന്തിനെതിരേ രണ്ടു തവണയാണ് മിടൂ ആരോപണം ഉയർന്നത്. സാമ്പത്തിക ചൂഷണത്തിന് പുറമെ മാനസിക-വൈകാരിക ഉപദ്രവവും ഇദ്ദേഹത്തിൻ്റെ ഭാഗത്തു നിന്നുണ്ടായെന്നാണ് പരാതിക്കാർ പറയുന്നത്.