തിരുവനന്തപുരം: നിയമസഭാ തെരഞ്ഞെടുപ്പിന് മുന്നോടിയായി സംസ്ഥാനത്ത് വര്‍ഗീയത ആളിക്കത്തിക്കാനാണ് മുഖ്യമന്ത്രിയും സി.പി.എമ്മും ശ്രമിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തല. ലീഗിനെ മുന്‍നിര്‍ത്തി മുഖ്യമന്ത്രിയും എ വിജയരാഘവനും നടത്തുന്ന പ്രസ്താവനകള്‍ ഇതിന്റെ ഭാഗമാണെന്നും പ്രതിപക്ഷ നേതാവ് പറഞ്ഞു.

വിജയരാഘവന്‍ വായ തുറന്നാല്‍ വര്‍ഗീയതയാണെന്നും തമിഴ്‌നാട്ടില്‍ ഒരേ മുന്നണിയില്‍ മത്സരിക്കുന്ന സി.പി.എം കേരളത്തില്‍ മാത്രം ലീഗിനെ മതമൗലികവാദിയാക്കുന്നുവെന്നും ചെന്നിത്തല കുറ്റപ്പെടുത്തി.

മുസ് ലിം ലീഗ് യു.ഡി.എഫിന്റെ രണ്ടാം കക്ഷിയാണ്. അവരുമായുള്ള ചര്‍ച്ച വര്‍ഗ്ഗീയവത്കരിക്കാന്‍ ശ്രമിക്കുകയാണ് അത് വിലപ്പോകില്ലെന്നും ചെന്നിത്തല പറഞ്ഞു.