നാദാപുരം: നാദാപുരം തൂണേരിയില്‍ നിന്ന് തട്ടിക്കൊണ്ടുപോയ പ്രവാസി വ്യാപാരിയെ മോചിപ്പിച്ചു. ഒരു കോടി രൂപ മോചന ദ്രവ്യം ആവശ്യപ്പെട്ടാണ് കാറിലെത്തിയ സംഘം തട്ടിക്കൊണ്ടുപോയത്. തൂണേരി മുടവന്തേരി സ്വദേശി മാക്കരതാഴെകുനി എംടികെ അഹമ്മദിനെയാണ്(53) വൈകീട്ട് എട്ടുമണിയോടെ മോചിപ്പിച്ചത്. കാറില്‍ വടകരയ്ക്കടുത്ത് എത്തിച്ച് ഉപേക്ഷിച്ച 

ശനിയാഴ്ച പുലര്‍ച്ചെയാണ് അഹമ്മദിനെ തട്ടിക്കൊണ്ടുപോയത്. വെളുത്ത കാറിലെത്തിയ സംഘം വീടിനു സമീപത്തെ എണവള്ളൂര്‍ പള്ളിയില്‍ നമസ്‌കരിക്കാന്‍ പോകുന്ന അഹ്മദിനെ സ്‌കൂട്ടര്‍ തടഞ്ഞുനിര്‍ത്തി ബലമായി കാറില്‍ കയറ്റിക്കൊണ്ടു പോവുകയായിരുന്നു. അഹമ്മദിന്റെ സ്‌കൂട്ടറും ധരിച്ചിരുന്ന തൊപ്പിയും റോഡില്‍ ഉപേക്ഷിക്കപ്പെട്ട നിലയില്‍ കണ്ടെത്തിയതിനെ തുടര്‍ന്ന് നടത്തിയ അന്വേഷണത്തിലാണ് കാണാതായതായി അറിയുന്നത്. തുടര്‍ അന്വേഷണത്തില്‍ തട്ടിക്കൊണ്ടുപോയതായി വിവരം ലഭിച്ചു. അഹമ്മദിന്റെ സഹോദരന് പണം ആവശ്യപ്പെട്ട് ഭീഷണി സന്ദേശം വന്നതോടെയാണ് പൊലിസ് കേസ് ഗൗരവമായി പരിഗണിച്ചത്. 60 ലക്ഷം രൂപയാണ് ആവശ്യപ്പെട്ടത്. നാട്ടുകാരുടെ സമ്മര്‍ദവും പ്രതിഷേധവും ഉണ്ടായ ശേഷമാണ് തട്ടിക്കൊണ്ടുപോകല്‍ വകുപ്പില്‍ ക്രിമിനല്‍ കേസ് രജിസ്്റ്റര്‍ ചെയ്തത്. പ്രതികളെ ഉടന്‍ പിടികൂടുമെന്നാവശ്യപ്പെട്ട് നാട്ടുകാര്‍ ജനകീയസമിതി രൂപീകിരിച്ചിരുന്നു.