കോട്ടയം: തലയോലപ്പറമ്പ് മത്സ്യമാര്‍ക്കറ്റിന് സമീപമുള്ള ആക്രിക്ക് തീപിടിച്ച് മൂന്ന് ബിഹാര്‍ സ്വദേശികള്‍ ഗുരുതരമായ പരിക്ക്ഇന്ന് രാവിലെ ഒമ്പതരയോടെയാണ് സംഭവം പഴയ കാര്‍ പൊളിക്കുന്നതിനിടയില്‍ ഡീസല്‍ ടാങ്ക് പൊട്ടിത്തെറിച്ച് ആണ് അപകടമെന്ന് പൊലിസ്‌ പറഞ്ഞു. കടുത്തുരുത്തിയില്‍ നിന്ന് എത്തിയ ഫയര്‍ഫോഴ്‌സ് ആണ് തീയണച്ചത്.

പൊളിക്കാനിട്ടിരുന്ന ആറ് കാറുകളും കത്തിനശിച്ചു. ബിഹാര്‍ സ്വദേശികളായ ശരവണന്‍ 34 ,രാജ് കുമാര്‍ 29 ,അഭിജിത്ത് 24 എന്നിവര്‍ക്കാണ് ഗുരുതരമായി പരിക്കേറ്റത് തലയോലപ്പറമ്പ് മാര്‍ക്കറ്റിന് എതിര്‍ വശത്തുള്ള എന്‍ . എന്‍ . ബ്രദേഴ്‌സ് എന്ന സ്ഥാപനത്തിലാണ് തീപിടിത്തമുണ്ടായത്‌. പരുക്കേറ്റവരെ വൈക്കം ഗവണ്‍മെന്റ് ആശുപത്രിയില്‍ പ്രഥമ ശുശ്രൂഷയ്ക്ക് ശേഷം കോട്ടയം മെഡിക്കല്‍ കോളജില്‍ പ്രവേശിപ്പിച്ചു.

[video width="640" height="352" mp4="https://suprabhaatham.com/wp-content/uploads/2022/02/WhatsApp-Video-2022-02-24-at-10.55.47-AM.mp4"][/video]