ബസ് നിയന്ത്രണം വിട്ട് മരത്തിലിടിച്ചു
പുല്‍പ്പള്ളി: കെ.എസ്.ആര്‍.ടി.സി ബസ് നിയന്ത്രണംവിട്ട് മരത്തിലിടിച്ച് ആറുപേര്‍ക്ക് നിസാര പരുക്കേറ്റു.
 പുല്‍പ്പള്ളി-ബത്തേരി സംസ്ഥാന പാതയില്‍ പാമ്പ്രയിലാണ് നിയന്ത്രണംവിട്ട കെ.എസ്.ആര്‍.ടി.സി ബസ് മരത്തിലിടിച്ചത്.
 ബസ് നിയന്ത്രണം വിട്ടതിനെ തുടര്‍ന്ന് ഡ്രൈവര്‍ റോഡരികിലെ മരത്തില്‍ ബസിടിച്ച് നിര്‍ത്തുകയായിരുന്നു. ഇതുകൊണ്ടാണ് വന്‍അപകടം ഒഴിവായത്.
ബസിന്റെ ടയര്‍ പൊട്ടിയതാണ് അപകടകാരണം. കോഴിക്കോട് നിന്നും പുല്‍പ്പള്ളിയിലേക്ക് വരികയായിരുന്ന ബസാണ് പാമ്പ്രയില്‍ വച്ച് അപകടത്തില്‍പ്പെട്ടത്. ഇന്നലെ ഉച്ചക്ക് രണ്ടോടെയാണ് സംഭവം. അപകടത്തില്‍പെട്ടവരെ നിസാര പരുക്കുകളോടെ ബത്തേരി താലൂക്കാശുപത്രിയില്‍ പ്രവേശിപ്പിച്ചു.