തിരുവനന്തപുരം: തിരുവനന്തപുരത്ത് സൈനികന്‍ വാഹനാപകടത്തില്‍ മരിച്ചു. ബൈക്ക് നിയന്ത്രണം വിട്ട് മറിഞ്ഞാണ് അപകടമുണ്ടായത്. കിളിമാനൂര്‍ പുളിമാത്ത് സ്വദേശി ആരോമലാണ് മരിച്ചത്.

ഇന്നലെ രാത്രി എട്ടോടെയായിരുന്നു അപകടം. പരുക്കേറ്റ് ആരോമലിനെ നാട്ടുകാര്‍ ആശുപത്രിയിലെത്തിച്ചെങ്കിലും മരണത്തിന് കീഴടങ്ങുകയായിരുന്നു. ആരോമലിന്റെ പിതാവ് രണ്ടാഴ്ച മുമ്പ് വാഹനമിടിച്ച് പരുക്കേറ്റ് ചികിത്സയിലാണ്. ഈ അപകട വിവരം അറിഞ്ഞാണ് ആരോമല്‍ അവധിക്ക് നാട്ടിലെത്തിയത്.