പത്തനംതിട്ട: പ്ലസ് ടു വിദ്യാർത്ഥിയുടെ മോശം കൂട്ടുകെട്ട് ചോദ്യം ചെയ്തതിനിടെ സഹോദരനും ബന്ധുവും ആക്രമിക്കപ്പെട്ടതായി റിപ്പോർട്ട്. ഏനാത്തിൽ നടന്ന സംഭവത്തിൽ വിദ്യാർത്ഥിയുടെ കൂട്ടുകാരാണ് ഇരുവരെയും മർദിച്ചത്.

മാർച്ച് 2ന് നടന്ന സംഭവത്തിൽ വിദ്യാർത്ഥിയുടെ ചേട്ടൻ മോശം കൂട്ടുകെട്ടിനെ കുറിച്ച് ചോദ്യം ചെയ്തതോടെ സംഘർഷം ഉണ്ടായത്. ചേട്ടനൊപ്പം ഉണ്ടായിരുന്ന അടുത്ത ബന്ധുവിനും മർദനമേറ്റു. പിതൃസഹോദരൻ സുനീഷിന് തലയ്ക്ക് ഷോക്ക് അബ്സോർബർ കൊണ്ട് അടിയേറ്റതായാണ് റിപ്പോർട്ട്.

സംഭവവുമായി ബന്ധപ്പെട്ട് ഏനാത്ത് പൊലീസ് പ്രായപൂർത്തിയാകാത്തവർ ഉൾപ്പെടെ അഞ്ച് പേർക്കെതിരെ കേസ് എടുത്തു. പ്ലസ് ടു വിദ്യാർത്ഥിയും പ്രതികളിൽ ഉൾപ്പെടുന്നു. ഇതുവരെ രണ്ട് പേർ അറസ്റ്റിലായതായി പൊലീസ് അറിയിച്ചു.