കൂത്തുപറമ്പ്: കണ്ണൂര്‍ കൂത്തുപറമ്പ് കണ്ടേരിയില്‍ മുള്ളന്‍പന്നിയുടെ ആക്രമണത്തില്‍ വിദ്യാര്‍ഥിക്ക് പരുക്ക്. പ്ലസ് വണ്‍ വിദ്യാര്‍ഥിയായ കണ്ടേരി സ്വദേശി മുഹമ്മദ് ശാദിലിനാണ് പരുക്കേറ്റത്. 

രാവിലെ പള്ളിയില്‍ നിന്ന് മടങ്ങുമ്പോഴാണ് സംഭവം. റോഡിന് കുറുകെ മുള്ളന്‍പന്നി ചാടി. ഇതോടെ സ്‌കൂട്ടര്‍ ഉപേക്ഷിച്ച് രക്ഷപ്പെടാന്‍ ശ്രമിക്കുന്നതിനിടെയാണ് മുള്ളന്‍പന്നി ആക്രമിച്ചത്. കുട്ടിയുടെ ശരീരത്തില്‍ പന്ത്രണ്ടോളം മുള്ളുകള്‍ തറച്ചിട്ടുണ്ട്.

തലശ്ശേരിയിലെ സ്വകാര്യ ആശുപത്രിയില്‍ പ്രവേശിപ്പിച്ച മുഹമ്മദ് ശാദിലിന്റെ കയ്യില്‍നിന്ന് മുള്ളുകള്‍ നീക്കംചെയ്തു.