കൊല്‍ക്കത്ത: ശ്രീലങ്കക്കെതിരായ രണ്ടാം ഏകദിനത്തില്‍ ഇന്ത്യക്ക് നാലു വിക്കറ്റ് ജയം. ലങ്കയുടെ 216 റണ്‍സ് വിജയലക്ഷ്യം ഇന്ത്യ 40 പന്തുകളും നാലു വിക്കറ്റും ബാക്കി നില്‍ക്കെ മറികടന്നു. ശ്രീലങ്ക 39.4 ഓവറില്‍ 215. ഇന്ത്യ 43.2 ഓവറില്‍ ആറു വിക്കറ്റ് നഷ്ടത്തില്‍ 219 റണ്‍സെടുത്തു.

ഇതോടെ മൂന്നു മത്സരങ്ങളടങ്ങിയ പരമ്പര ഇന്ത്യ സ്വന്തമാക്കി. ഗുവാഹത്തിയില്‍ നടന്ന ഒന്നാം ഏകദിനത്തില്‍ ഇന്ത്യ 67 റണ്‍സിന് ജയിച്ചിരുന്നു. പരമ്പരയിലെ മൂന്നാം മത്സരം കാര്യവട്ടം ഗ്രീന്‍ഫീല്‍ഡ് സ്‌പോര്‍ട്‌സ് ഹബ്ബില്‍ ഞായറാഴ്ച ഉച്ചക്ക് 1.30ന് നടക്കും.