ചട്ടിപ്പറമ്പ: കര്‍ഷക  ദിനത്തോടനുബന്ധിച്ചു മാതൃകാ കര്‍ഷകരെ ആദരിച്ചു. കോഡൂര്‍ മാര്‍ക്കറ്റിംഗ് കോഓപ്പററ്റീവ്  സൊസൈറ്റിയും ഈസ്റ്റ്‌കോഡൂര്‍ യുവജന കലാകായിക വേദിയും ചേര്‍ന്നാണു പ്രദേശത്തു വിവിധ  മേഖലയില്‍ കൃഷി ചെയ്യുന്ന ഇരുപതോളം പേരെ ആദരിച്ചത്. ആദരിക്കല്‍ ചടങ്ങ് കോഡൂര്‍ കൃഷി ഓഫിസര്‍ പ്രകാശ് പുത്തന്‍മഠത്തില്‍ ഉദ്ഘാടനം ചെയ്തു.
മാര്‍ക്കറ്റിംഗ് സൊസൈറ്റി പ്രസിഡന്റ് എം. അന്‍സാരി അധ്യക്ഷത വഹിച്ചു. ഗ്രാമപഞ്ചായത്ത്  മുന്‍ വൈസ് പ്രസിഡന്റ് കെ. പ്രഭാകരന്‍, കെ.വി. മനോജ് കുമാര്‍, അബ്ദുല്‍ മജീദ് പൂക്കാടന്‍,  അബ്ദുല്‍ സലാം മാഞ്ഞാംപള്ളി, സലീം പുളിക്കല്‍, ഹിഷാം പൂളക്കണ്ണി, ആഷിഖ് ചെറുകാട്ടില്‍ സംസാരിച്ചു.