HOME
DETAILS

ന്യൂഡല്‍ഹി മദ്യനയ അഴിമതി; എഎപിക്ക് 100 കോടി രൂപ ലഭിച്ചതായി ഇ.ഡി

  
backup
February 02 2023 | 12:02 PM

the-enforcement-directorate-on-thursday-said-the-aam-aadmi-party-used-the-money-generated6515

ന്യൂഡല്‍ഹി: ന്യൂഡല്‍ഹി മദ്യനയ അഴിമതിയില്‍ എ.എ.പിക്ക് 100 കോടി രൂപ ലഭിച്ചതായി എന്‍ഫോഴ്‌സ്‌മെന്റ് ഡയരക്ടറേറ്റ്. അഴിമതിയുമായി ബന്ധപ്പെട്ട് ഡല്‍ഹി കോടതിയില്‍ ഇ ഡി സമര്‍പ്പിച്ച കുറ്റപത്രത്തിലാണ് ഇക്കാര്യം ചൂണ്ടിക്കാട്ടിയിട്ടുള്ളത്. തെക്കേ ഇന്ത്യയിലെ മദ്യക്കമ്പനികളില്‍ നിന്നാണ് എ.എ.പിക്ക് തുക ലഭിച്ചത്. ഗോവ നിയമസഭാ തിരഞ്ഞെടുപ്പില്‍ ഈ തുക വിനിയോഗിച്ചതായും അനുബന്ധ കുറ്റപത്രത്തില്‍ പറയുന്നു. തെലങ്കാന മുഖ്യമന്ത്രി കെ ചന്ദ്രശേഖര്‍ റാവുവിന്റെ മകളും എം എല്‍ സിയുമായ കെ കവിതയുടെ പേരും.

ഇടനിലക്കാരന്‍ വിജയ് നായര്‍ വഴി 100 കോടിയോളം രൂപയാണ് ആംആദ്മി പാര്‍ട്ടിക്ക് ലഭിച്ചത്. ഈ പണത്തിന്റെ ഭൂരിഭാഗം ഗോവ നിയമസഭാ തിരഞ്ഞെടുപ്പ് പ്രചാരണത്തിനാണ്. സര്‍വേ നടത്തിയ വൊളന്റിയര്‍മാര്‍ക്ക് ഒരാള്‍ക്ക് 70 ലക്ഷം രൂപ വരെ നല്‍കിയതായി ഇഡി റിപ്പോര്‍ട്ടില്‍ പറയുന്നു. ഈ കേസില്‍ ജുഡീഷ്യല്‍ കസ്റ്റഡിയിലുള്ള മദ്യനിര്‍മാണ കമ്പനിയായ ഇന്‍ഡോസ്പിരിറ്റിന്റെ ഉടമ അരവിന്ദ് കേജ്‌രിവാളുമായി വിഡിയോകോള്‍ വഴി സംസാരിച്ചു.

വിജയ് നായരെ 'മൈ ബോയ്' എന്നാണ് കേജ്‌രിവാള്‍ വിശേഷിപ്പിച്ചത്. വിജയ് നായര്‍ പറയുന്നതുപോലെ നിങ്ങള്‍ക്കു മുന്നോട്ടു പോകാമെന്നും വിഡിയോകോളില്‍ കേജ്‌രിവാള്‍ പറഞ്ഞതായി ഇഡി റിപ്പോര്‍ട്ടില്‍ പറയുന്നു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."