കൊച്ചി: സംസ്ഥാനത്തെ സർവകലാശാലകൾ തടവിലാക്കപ്പെട്ട അവസ്ഥയിലെന്ന് യു.ഡി.എഫ് കൺവീനർ അടൂർ പ്രകാശ് എം.പി. കളമശേരിയിൽ ചേർന്ന യു.ഡി.എഫ് ഏകോപന സമിതി യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. ഒരുവശത്ത് സംഘിവൽക്കകരണവും മറുവശത്ത് മാർക്‌സിസ്റ്റുവൽക്കരണവുമാണ് നടക്കുന്നത്. സർവകലാശാലകളിൽ പൊലിസിന്റെ ഒത്താശയോടെ എസ്.എഫ്.ഐ കാട്ടിക്കൂട്ടിയത് ജനങ്ങൾ കണ്ടതാണ്. ആരോഗ്യ രംഗത്തെ തകർച്ച പുറത്തുകൊണ്ടുവന്ന യു.ഡി.എഫിന് കിട്ടിയ ജനപിന്തുണ അട്ടിമറിക്കാനാണ് എസ്.എഫ്.ഐയും ഡി.വൈ.എഫ്.ഐയും സമരരംഗത്തിറങ്ങിയത്. വിദ്യാഭ്യാസ സ്ഥാപനങ്ങളെ ബോധപൂർവം തകർത്ത് തരിപ്പണമാക്കുകയാണ്. കേരളത്തിന്റെ വിദ്യാഭ്യാസമേഖലയെ ഇത്രമാത്രം തകർത്ത സർക്കാർ ഇതിനുമുമ്പ് ഉണ്ടായിട്ടില്ല.

ALSO READ: ബ്രസീലിന് 50 % നികുതി ചുമത്തി യു.എസ്

തദ്ദേശ, നിയമസഭാ തെരഞ്ഞെടുപ്പുകളിൽ യു.ഡി.എഫിന്റെ കുതിച്ചുചാട്ടമുണ്ടാകും. നിയമസഭാ തെരഞ്ഞെടുപ്പിൽ നൂറു സീറ്റ് നേടി യു.ഡി.എഫ് അധികാരത്തിലെത്തും. സംസ്ഥാനത്തെ ആരോഗ്യ, വിദ്യാഭ്യാസമേഖലകളെ തകർക്കുന്ന സർക്കാർ നടപടിക്കെതിരേ 23ന് കലക്ടറേറ്റുകൾക്ക് മുന്നിൽ യു.ഡി.എഫ് പ്രതിഷേധ സംഗമം സംഘടിപ്പിക്കും. ആരോഗ്യമേഖല നേരിടുന്ന പ്രതിസന്ധികളെക്കുറിച്ച് വിദഗ്ധരായ ആളുകളെ പങ്കെടുപ്പിച്ച് യു.ഡി.എഫ് നേതൃത്വത്തിൽ കോൺക്ലേവ് സംഘടിപ്പിക്കും. വിദ്യാഭ്യാസരംഗത്തെ തകർച്ചകളെക്കുറിച്ച് വിദ്യാഭ്യാസ കോൺക്ലേവും മലയോരമേഖലയിലെ വർധിച്ചുവരുന്ന മനുഷ്യ-വന്യജീവി സംഘർഷം പരിഹരിക്കുന്നതിനായി ഏകദിന വർക് ഷോപ്പും ഓഗസ്റ്റിൽ സംഘടിപ്പിക്കുമെന്നും അടൂർ പ്രകാശ് പറഞ്ഞു.

UDF Convenor Adoor Prakash MP criticized the state government, alleging that universities are being held captive by political ideologies. He claimed that both communalization and Marxist influences are affecting the institutions, pointing to SFI's campus violence as evidence of the situation [1].