പേരാമ്പ്ര: മുന്‍ പ്രധാനമന്ത്രി രാജീവ്ഗാന്ധിയുടെ ജന്മദിനം യൂത്ത് കോണ്‍ഗ്രസ് പ്രവര്‍ത്തകര്‍ സദ്ഭാവനാ ദിനമായി ആചരിച്ചു. ടൗണ്‍ യൂത്ത് കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ അനുസ്മരണ യോഗവും ഛായാചിത്രത്തില്‍ പുഷ്പാര്‍ച്ചനയും നടത്തി.
ബ്ലോക്ക് യൂത്ത് കോണ്‍ഗ്രസ് പ്രസിഡന്റ് ജിതേഷ് മുതുകാട് ഉദ്ഘാടനം ചെയ്തു. മുന്‍ മണ്ഡലം പ്രസിഡന്റ് സലാം മരുതോറ അധ്യക്ഷനായി. ബ്ലോക്ക് കോണ്‍ഗ്രസ് ജനറല്‍ സെക്രട്ടറി ഇ.പി മുഹമ്മദ്, എ.പി ഉണ്ണികൃഷ്ണന്‍, ശ്രീകാന്ത് പേരാമ്പ്ര, ടി.വി ശശി പ്രസംഗിച്ചു.
നൊച്ചാട് മണ്ഡലം മൂന്നാം വാര്‍ഡ് കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ നടന്ന പരിപാടിയില്‍ കെ. രാജേഷ് അധ്യക്ഷനായി. മുനീര്‍ എരവത്ത്, ദിനേശ് വാല്യക്കോട്, കെ.സി ഗോപാലന്‍ മാസ്റ്റര്‍ സംസാരിച്ചു.