മാനേജ്മെന്‍റിന് ദീര്‍ഘദൂര സര്‍വീസിനായി തുടങ്ങിയ കെ.എസ്.ആർ.ടി.സി സ്വിഫ്റ്റ് കമ്പനിയോടാണ് താത്പര്യമെന്ന് പ്രതിപക്ഷ യൂണിയനുകൾ ആക്ഷേപിച്ചു.

തിങ്കളാഴ്ച വൈകുന്നേരം 5.30ന് മുഖ്യമന്ത്രി പിണറായി വിജയൻ ഫ്ലാ​ഗ് ഓഫ് ചെയ്യുന്നതോടെയാണ് കെ.എസ്.ആർ.ടി.സി സ്വിഫ്റ്റ് ബസ്സുകൾ സർവ്വീസുകൾ ആരംഭിക്കുന്നത്. ബസുകളുടെ ബുക്കിംഗ് ആരംഭിച്ചു. തൽക്കാൽ ടിക്കറ്റുകളും, അഡീഷണൽ സർവ്വീസ് ടിക്കറ്റുകളും ഓൺലൈൻ വഴി ലഭ്യമായിരിക്കും.

ഉദ്ഘാടനത്തോടനുബന്ധിച്ച് പ്രത്യേക ഓഫർ ഉണ്ട്. തിരുവനന്തപുരം - ബാംഗ്ലൂർ റൂട്ടിൽ കെ.എസ്.ആർ.ടി.സി സ്വിഫ്റ്റ് എ.സി. സർവ്വീസുകളിൽ ഓൺലൈൻ വഴി സീറ്റ് ബുക്ക് ചെയ്യുന്ന ആദ്യ യാത്രക്കാർക്ക് മടക്ക യാത്രാ ടിക്കറ്റ് സൗജന്യമായി നൽകുന്നതോടൊപ്പം സമ്മാനവും ആദ്യയാത്രാ സർട്ടിഫിക്കറ്റും നൽകുമെന്നാണ് പ്രഖ്യാപനം. ഏപ്രിൽ 30 വരെ 100 പേർക്ക് ഈ ആനുകൂല്യം ലഭിക്കും. കൂടാതെ  തിരഞ്ഞെടുത്ത റൂട്ടുകളിൽ ഓൺലൈൻ ടിക്കറ്റ് ബുക്ക് ചെയ്യുന്നവർക്ക് 30% വരെ ടിക്കറ്റ് നിരക്കിൽ ഇളവും പ്രഖ്യാപിച്ചിട്ടുണ്ട്.

തിരുവനന്തപുരം, പത്തനംതിട്ട, കോട്ടയം, എറണാകുളം, കോഴിക്കോട് എന്നീ ജില്ലകളിൽ നിന്ന് ബംഗളുരുവിലേക്കും തിരികെയും എ.സി. സർവീസുകൾ പ്രഖ്യാപിച്ചിട്ടുണ്ട്. നോൺ എ.സി. ബസുകൾ കേരളത്തിനകത്താണ് സർവ്വീസ് നടത്തുക.