മലപ്പുറം: സന്തോഷ് ട്രോഫിയില്‍ കേരളം ഫൈനലില്‍. കര്‍ണാടകയെ 7-3 എന്നസ്‌കോറില്‍ തകര്‍ത്തുവിട്ടാണ് കേരളത്തിന്റെ ഫൈനല്‍ പ്രവേശം.
25ാം മിനിട്ടില്‍ കേരളത്തിനെ പരീക്ഷിച്ച ഗോള്‍ കര്‍ണാടകയുടേതായിരുന്നെങ്കിലും പിന്നീട് കേരളത്തിന്റെ പവര്‍ഫുള്‍ തിരിച്ചുവരവാണ് കര്‍ണാടകക്ക് കാണാന്‍ സാധിച്ചത്.

മത്സരത്തിന്റ ആദ്യ പകുതിയില്‍ തന്നെ ഒന്നിന് നാലെണ്ണം എന്ന രീതിയില്‍ കര്‍ണാടകയുടെ ആവേശത്തിന് പൂട്ടിട്ടാണ് കേരളം രണ്ടാം പാതിയിലേക്ക് കടന്നത്. തുടക്കം മുതല്‍ ആക്രമിച്ചു കളിച്ച കേരളത്തിന് മുന്നില്‍ കര്‍ണാടക ഗോള്‍കീപ്പര്‍ കെവിന്‍ കോശി വിലങ്ങുതടിയായി നിന്നു.

ഓഫ്‌സൈഡ് ട്രാപ്പ് ഒരുക്കി കര്‍ണാടക പ്രതിരോധനിര കൂടി ഉറച്ചുനിന്നതോടെ ഗോള്‍ നേടുകയെന്നത് കേരളത്തിന് ദുഷ്‌കരമായി തീര്‍ന്നിരുന്നു. കളിയുടെ പ്രതീക്ഷയ്ക്ക് വിപരീതമായി സംഭവിച്ച കര്‍ണാടകയുടെ ആഗോള്‍ സുധീര്‍ കൊട്ടിക്കേലയുടെ കാലില്‍ നിന്നായിരുന്നു.

ഗോള്‍ വീണയുടനെതന്നെ വിഗ്‌നേഷിനെ പിന്‍വലിച്ച് ജെസിനെ ഇറക്കിയതും ആറാം മിനുട്ടില്‍ ജെസിന്‍ കേരളത്തിന് വേണ്ടി സമനില ഗോള്‍ നേടി. 42ാം മിനുട്ടില്‍ ജെസിന്റെ വകയായി അടുത്ത ഗോളും എത്തി. 45ാം മിനിട്ടില്‍ ജെസിന്‍ തന്റെ ഹാട്രിക്ക് കൂടി പൂര്‍ത്തിയായതോടെ കേരളം 31ന്റെ ലീഡ് സ്വന്തമാക്കി. ഇടവേളയ്ക്ക് പിരിയുന്നതിന് തൊട്ടുമുമ്പായി ഷിഗില്‍ കേരളത്തിന്റെ നാലാം ഗോള്‍ കൂടി നേടിയതോടെ കേരളം ആദ്യപകുതിയില്‍ കേരളത്തിന് വ്യക്തമായ ലീഡ് സ്വന്തമാക്കി.

30ാം മിനിറ്റില്‍ പകരക്കാരനായെത്തി അഞ്ചുഗോള്‍ നേടിയ ജെസിനാണ് കേരളത്തിന്റെ വിജയശില്‍പി.കളത്തിലിറങ്ങിയത്. ആദ്യപകുതിയില്‍ തന്നെ ഹാട്രിക് പൂര്‍ത്തിയാക്കിയിരുന്നു. ഷിഖിലാണ് കേരളത്തിന്റെ നാലാം ഗോള്‍ നേടിയത്. ഷിഖില്‍, അര്‍ജുന്‍ എന്നിവരും കേരളത്തിനായി ഗോള്‍നേടി. ബംഗാളും മണിപ്പുരും തമ്മില്‍ വെള്ളിയാഴ്ച നടക്കുന്ന രണ്ടാം സെമിയിലെ വിജയികളെ കേരളം ഫൈനലില്‍ നേരിടും.