ഗാന്ധിനഗർ
ഗുജറാത്തിലെ സി.എം ഡാഷ് ബോർഡ് സംവിധാനത്തെ പുകഴ്ത്തി കേരള ചീഫ് സെക്രട്ടറി വി.പി ജോയ്. ഡാഷ് ബോർഡ് മികച്ചതും സമഗ്രവുമാണെന്ന് അദ്ദേഹം പറഞ്ഞു. വികസന പുരോഗതി വിലയിരുത്താൻ ഏറെ കാര്യക്ഷമമായ സംവിധാനമാണിത്. സേവന വിതരണം നിരീക്ഷിക്കുന്നതിനും പൗരന്മാരുടെ പ്രതികരണം ശേഖരിക്കുന്നതിനും മറ്റും ഡാഷ് ബോർഡ് മികച്ച സംവിധാനമാണ്. സംവിധാനം മനസിലാക്കാൻ കഴിഞ്ഞതിൽ സന്തോഷമുണ്ടെന്നും ചീഫ് സെക്രട്ടറി പറഞ്ഞു.
ഗുജറാത്തിലെത്തിയ ചീഫ് സെക്രട്ടറി ഇന്നലെ രാവിലെ ഡാഷ് ബോർഡ് സംവിധാനത്തിന്റെ ഭാഗമായുള്ള വിഡിയോ വാൾ അടക്കമുള്ള മുഖ്യമന്ത്രിയുടെ ഗാന്ധിനഗറിലെ വസതിയിൽ സന്ദർശനം നടത്തി.
സ്റ്റാഫ് ഓഫിസർ ഉമേഷ് ചീഫ് സെക്രട്ടറിയെ അനുഗമിച്ചു. ഗുജറാത്ത് ചീഫ് സെക്രട്ടറി പങ്കജ് കുമാർ ഡാഷ്‌ബോർഡ് സംവിധാനം വിശദീകരിച്ചു.