മലപ്പുറം: ചങ്ങരംകുളത്ത് കാറുകള്‍ കൂട്ടിയിടിച്ച് ഒരാള്‍ കൊല്ലപ്പെട്ടു. നാലുപേര്‍ക്ക് പരുക്കേറ്റു. ചങ്ങരം കുളം ടൗണ്‍ ഭാഗത്തേക്ക് വന്ന കാറും എതിര്‍ ദിശയില്‍ വന്ന കാറുമാണ് കൂട്ടിയിടിച്ചത്.  ആനക്കര സ്വദേശി ശ്രീരാഗ്(23) ആണ് മരിച്ചത്.

അകലാട് സ്വദേശി വിനീത് (24) ആല്‍ത്തറ സ്വദേശികളായ വിവേക് (28) രാഹുല്‍((19) എന്നിവര്‍ക്കു പരുക്കേറ്റു. ഇവരെ ചങ്ങരംകുളത്തെ സ്വകാര്യ ആശുപത്രിയിലേക്ക് മാറ്റി. ശ്രീരാഗ് സഞ്ചരിച്ചിരുന്ന കാറുമായി എതിരേ വന്ന കാര്‍ കൂട്ടിയിടിക്കുകയായിരുന്നു. നിയന്ത്രണം വിട്ടകാര്‍ സമീപത്തെ കടയിലേക്ക് ഇടിച്ചുകയറി.