ഇടുക്കി: കെ.വി.തോമസ് ഒരിക്കലും തനിക്കെതിരെ പ്രവര്‍ത്തിക്കില്ലെന്ന് തൃക്കാക്കരയിലെ കോണ്‍ഗ്രസ് സ്ഥാനാര്‍ഥി ഉമ തോമസ്. കോണ്‍ഗ്രസിന്റെ മുതിര്‍ന്ന നേതാവായ അദ്ദേഹം പാര്‍ട്ടി പാളയത്തില്‍ തന്നെ ഉണ്ടാകും. പി ടി തോമസിനെ എന്നും ചേര്‍ത്ത് പിടിച്ച ആളാണ് കെ വി തോമസ്. അദ്ദേഹത്തെ നേരില്‍ കണ്ട് അനുഗ്രഹം തേടുമെന്നും ഉമ തോമസ് പറഞ്ഞു.

കെ.വി തോമസുമായി സംസാരിക്കാന്‍ ശ്രമിച്ചിരുന്നുവെന്നും ഉമ പറഞ്ഞു. പി.ടി തോമസിന്റെ കല്ലറയിലെത്തി പ്രാര്‍ഥിച്ച ശേഷമാണ് ഉമ തോമസ് ഇന്നത്തെ പ്രചാരണം തുടങ്ങുന്നത്.