പാലക്കാട്: സഞ്ജിത്ത് വധക്കേസിലെ മുഖ്യ സൂത്രധാരന്‍ അറസ്റ്റില്‍. ആലത്തൂര്‍ ഗവ. എല്‍.പി സ്‌കൂള്‍ അധ്യാപകന്‍ ബാവ മാസ്റ്ററാണ് അറസ്റ്റിലായത്. പോപ്പുലര്‍ ഫ്രണ്ട് ഓഫ് ഇന്ത്യയുടെ ആലത്തൂര്‍ ഡിവിഷണല്‍ പ്രസിഡന്റാണ്.

സഞ്ജിത് വധത്തില്‍ ഗൂഡാലോചന നടന്നത് ബാവയുടെ നേതൃത്വത്തിലാണെന്നാണ് പൊലീസ് കണ്ടെത്തിയിരിക്കുന്നത്. കൊലപാതകത്തിന് ശേഷം ഒളിവില്‍ പോയ പ്രതിയെ തൃശ്ശൂര്‍ നഗരത്തില്‍ നിന്നാണ് പിടികൂടിയത്.