മ​ല​പ്പു​റം: ഈ ​വ​ർ​ഷ​ത്തെ ഹ​ജ്ജ്​ സ​ർ​വീ​സി​നാ​യി കേ​ന്ദ്ര വ്യോ​മ​യാ​ന മ​ന്ത്രാ​ല​യം ടെ​ൻ​ഡ​ർ ക്ഷ​ണി​ച്ചു. കേ​ന്ദ്ര ഹ​ജ്ജ്​ ക​മ്മി​റ്റി മു​ഖേ​ന ഹജ്ജിന് പോകുന്നവരെ കൊണ്ടുപോകുന്നതിനും തിരിച്ചെത്തിക്കുന്നതിനുമുള്ള വിമാനങ്ങൾക്കുള്ള ടെൻഡർ ആണ് വിളിച്ചത്. രാ​ജ്യ​ത്തെ 22 ഇ​ട​ങ്ങ​ളി​ൽ​നി​ന്ന് സ​ർ​വി​സ്​ ന​ട​ത്തു​ന്ന​തി​നാ​ണ്​ ഇ​ന്ത്യ​യി​ലെ​യും സൗ​ദി അ​റേ​ബ്യ​യി​ലെ​യും വി​മാ​ന ക​മ്പ​നി​ക​ളി​ൽ​നി​ന്ന് ടെ​ൻ​ഡ​ർ ക്ഷ​ണി​ച്ച​ത്.

കേ​ര​ള​ത്തി​ൽ​നി​ന്ന് മൂന്ന് വിമാനത്താവളങ്ങളാണ് സർവീസിനായി തെരഞ്ഞെടുത്തിരിക്കുന്നത്. കോ​ഴി​ക്കോ​ട്, കൊ​ച്ചി, ക​ണ്ണൂ​ർ വി​മാ​ന​ത്താ​വ​ള​ങ്ങ​ളാ​ണ്​ ലിസ്റ്റിൽ ഉള്ളത്. പു​തി​യ ഹ​ജ്ജ്​ ന​യ പ്ര​കാ​രം രാ​ജ്യ​ത്തെ 25 വി​മാ​ന​ത്താ​വ​ള​ങ്ങ​ളാ​ണ്​ ഹ​ജ്ജ്​ പു​റ​പ്പെ​ട​ൽ കേ​ന്ദ്ര​മാ​യി പ്ര​ഖ്യാ​പി​ച്ചി​രു​ന്ന​ത്. എന്നാൽ ഇതിൽ മം​ഗ​ലാ​പു​ര​വും ഗോ​വ​യും അ​ഗ​ർ​ത്ത​ലയും ഒഴിവാക്കി.

1,38,761 പേ​ർ​ ഹ​ജ്ജ്​ ക​മ്മി​റ്റി മു​ഖേ​ന യാ​ത്ര തി​രി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. ഇതിൽ 13,300 പേരാണ് കേരളത്തിൽ നിന്നുള്ളത്. നി​ല​വി​ലു​ള്ള ഷെ​ഡ്യൂ​ൾ പ്ര​കാ​രം ര​ണ്ടാം​ഘ​ട്ട​ത്തി​ൽ ജൂ​ൺ ആ​റു​മു​ത​ൽ 22 വ​രെ​യാ​ണ്​ കേ​ര​ള​ത്തി​ൽ​നി​ന്നു​ള്ള സ​ർ​വി​സ്. സം​സ്ഥാ​ന​ത്തു​നി​ന്നു​ള്ള തീ​ർ​ഥാ​ട​ക​ർ മ​ദീ​ന​യി​ലേ​ക്കാ​ണ്​ പു​റ​പ്പെ​ടു​ക.