ലക്ഷദ്വീപില്‍ അഡ്മിനിസ്‌ട്രേറ്റര്‍ പ്രഫുല്‍ പട്ടേലില്‍ നടത്തുന്ന പരിഷ്‌കാരങ്ങള്‍ അന്താരാഷ്ട്ര ടൂറിസം കുത്തകകള്‍ക്ക് വേണ്ടിയാണെന്ന ആരോപണമുയരുന്നുണ്ട്. ഇത് ശരിവയ്ക്കുന്ന തരത്തിലാണ് മുന്‍പും പല സംഭവങ്ങള്‍ ഉണ്ടായിട്ടുള്ളത്. ലക്ഷദ്വീപ് പോലെ കേന്ദ്ര ഭരണപ്രദേശങ്ങളായ ദാമന്‍ ദിയുവില്‍ വലിയ ഒഴിപ്പിക്കലുണ്ടായതും പിന്നീട് അവിടെ ആഡംബര കോട്ടേജുകള്‍ ഉയര്‍ന്നതും നേപ്പാളീ ടൂറിസ വ്യവസായ ഭീമനായ ബിനോദ് ചൗധരിയുടെ കരുക്കള്‍ നീക്കലായിരുന്നു.

ഇതുസംബന്ധിച്ച് അമേരിക്കന്‍ മലയാളി രഞ്ജിത്ത് ആന്റണിയുടെ പോസ്റ്റ് നോക്കുക:

ദ കൊട്ടേഷന്‍ ഇന്‍ ലക്ഷദീപ്

ദാമനും, ദിയുവും പോര്‍ച്ചുഗീസ് കോളനികളായിരുന്നു. പിന്നീട് ഇന്‍ഡ്യന്‍ യൂണിയന്‍ ടെറിറ്ററി പ്രദേശങ്ങളായി. മുഖ്യമന്ത്രിയൊ, നിയമസഭയൊ ഇല്ല. കേന്ദ്രം നിയമിക്കുന്ന ഒരു അഡ്മിനിസ്‌ട്രേറ്ററാണ് അവിടുത്തെ പ്രധാനി. ദാമനും, ദിയുവും, നാഗര്‍ ഹവേലിയുമൊക്കെ ചെറിയ ഡിസ്ട്രിക്റ്റുകളാണ്. അതിനാല്‍ അതിന്റെ ഒക്കെ അഡ്മിനസ്‌ട്രേറ്റര്‍മ്മാര്‍ ഐ.എ.എസ് ഉദ്യോഗസ്ഥരാണ്.

ആദ്യമായി ദാമനില്‍ അഡ്മിനിസ്‌ട്രേറ്റര്‍ പദവിയില്‍ എത്തുന്ന ഒരു പൊളിറ്റിക്കല്‍ അപ്പോയിന്റീ അഡ്മിനിസ്‌ട്രേറ്റര്‍ പ്രഫുല്‍ കോഡ പട്ടേല്‍ എന്നൊരു വിദ്വാനായിരുന്നു. 2016 ലാണ് ആശാന്‍ ദാമനില്‍ കാലു കുത്തുന്നത്.

വന്നിറങ്ങിയ ഉടന്‍ കോഡ പട്ടേല്‍ പണി തുടങ്ങി. ആദ്യം ചെയ്തത്. ദാമന്റെ ഒരരുകില്‍ കടലിനഭിമുഖമായി കിടക്കുന്ന ഒരു കിലോമീറ്റര്‍ നീളമുള്ള പ്രകൃതി മനോഹരമായ വാട്ടര്‍ ഫ്രണ്ട് ഒഴുപ്പിച്ചെടുക്കുക എന്നതായിരുന്നു. ദാമനീസ് എന്ന ആദിവാസികളായ മുക്കുവരെ ആണ് 2019 നവമ്പറില്‍ ഒറ്റ രാത്രി കൊണ്ട് ഒഴിപ്പിച്ചത്. 1000 ത്തിലേറെ വര്‍ഷങ്ങള്‍ അവര്‍ ജീവിച്ചിരുന്നു ചുറ്റുപാടുകളില്‍ നിന്ന് അവര്‍ ആട്ടിയിറക്കപ്പെട്ടു.

അന്തരാഷ്ട്ര ശ്രദ്ധയൊക്കെ നേടിയ ഒഴിപ്പിക്കലായിരുന്നു. ദാമനികളുടെ ഒരു വലിയ പോപ്പുലേഷന്‍ ഇംഗ്ലണ്ടിലോട്ട് കുടിയേറിയിട്ടുണ്ട്. ഏകദേശം 12,000 പേര്‍ ഇംഗ്ലണ്ടിലെ ലീസ്റ്ററില്‍ താമസിക്കുന്നുണ്ട്. അവരുടെ എം.പി കീത്ത് വാസ് ദാമനില്‍ പറന്നെത്തി പ്രഫുല്‍ കോഡ പട്ടേലിനെ കണ്ട് ഒഴിപ്പിക്കുന്ന പരിപാടികള്‍ നിര്‍ത്തണം എന്നൊക്കെ ആവശ്യപ്പെട്ടിരുന്നു. അങ്ങോരെ സ്ഥലമൊക്കെ കാണിച്ചു ചുറ്റി നടത്തി അടുത്ത പ്ലെയിനില്‍ കയറ്റി പറഞ്ഞു വിട്ടിട്ടു. എന്നിട്ട് നേരെ വന്ന് ബുള്‍ഡോസര്‍ കൊണ്ട് വന്ന് കൊച്ച് പിച്ച് കുട്ടികളേം അമ്മമാരെയും വീട്ടീന്നിറക്കി വീട് നെരപ്പാക്കി കൊടുത്തു.

ഒറ്റ രാത്രികൊണ്ട് ആ മുക്കുവര്‍ തെരുവിലായി. അവര്‍ ഇന്ന് മോട്ടി ഡാമനിലെ ഒരു ചേരിയില്‍ കുടില്‍ കെട്ടി താമസിക്കുന്നു. 500 കൊല്ലം പോര്‍ച്ചുഗീസ് കൈവശം വെച്ച സ്ഥലമാണ്. ക്രൂരമായ അധിനിവേശങ്ങളുടെ മുറിവുകള്‍ ഇനിയും മാറിയിട്ടില്ല. ആ അധിനിവേശക്കാര്‍ക്ക് കഴിയാത്തതാണ് പ്രഫുല്‍ പട്ടേല്‍ സാധിച്ചെടുത്ത്.

കുറ്റം പറയരുത്. ആ സ്ഥലം ഇന്ന് ബിനോദ് ചൗധരി എന്ന നേപ്പാളീസ് കോടീശ്വരന്റെ സി.ജി കോര്‍പ് ഗ്ലോബലിന്റെ കയ്യിലാണ്. അവിടെ മുക്കുവ കുടിലുകള്‍ പോലെ കോട്ടേജുകള്‍ കെട്ടിയിട്ടിട്ടുണ്ട്. ദിവസം 60 തൊട്ട് 80 ഡോളര്‍ കൊടുത്താല്‍ നിങ്ങക്ക് ആ കോട്ടേജില്‍ കിടന്ന് ടെന്റ ടൂറിസം ആസ്വദിക്കാം. ഒരു 2 കിലോമീറ്റര്‍ അപ്പറത്ത് ആ സ്ഥലത്തിന്റെ ഒറിജിനല്‍ അവകാശികള്‍ ടെന്റ് കെട്ടി വേറെ താമസിക്കുന്നുണ്ട്.

ഈ പ്രഫുല്‍ കോഡ പട്ടേലാണ് ലക്ഷദീപില്‍ ചെന്നിറങ്ങിയിരിക്കുന്നത്. ദാമനില്‍ ചെന്നത് ബിനോദ് ചൗധരിയുടെ കൊട്ടേഷനുമായാണ്. ഇവിടെ എത്തിയിരിക്കുന്നത് ആരുടെ കൊട്ടേഷനാണെന്ന് വഴിയെ നമ്മള്‍ അറിയും.

ഇതിലേക്ക് ചൂണ്ടുന്ന മറ്റൊരു പോസ്റ്റ് കാണുക. പ്രമുഖ ഡോക്ടർ ശാനവാസ് എ.ആറിന്‍റേതാണ് പോസ്റ്റ്. 

1) പ്രഫുൽ കേദാർ പട്ടേൽ.

2) മോഹൻ ദെൽകർ.

3) ബിനോദ് കുമാർ ചൗധരി.

ഇനി ഈ സ്ഥലങ്ങളുടെ ഇപ്പോഴത്തെ അവസ്ഥ എന്തെന്നറിയണ്ടേ?

ജയ്‌വിളികൾക്കും കയ്യടികൾക്കും ഇടയിൽ ജനാധിപത്യവും ഭരണഘടനയുമൊക്കെ നെരിഞ്ഞമരുന്ന കാഴ്ചയാണ് ഇന്ത്യയിൽ ഇന്ന് കാണുന്നത്.

ഇനിയും കാര്യങ്ങൾ പിടികിട്ടാത്തത് ഇവിടത്തെ വിഡ്ഢികളായ ബിജെപിയിതര രാഷ്ട്രീയക്കാർക്കും ജനങ്ങൾക്കുമാണ്.

ആദ്യം കാശ്മീർ. തീവ്രവാദത്തിന്റെ പേരും പറഞ്ഞ് കാശ്മീരിന്റെ പ്രത്യേക ഭരണഘടന വ്യവസ്ഥ, 370 ഏടുത്തു കളഞ്ഞ് ജമ്മുവും കശ്മീരും ലഡാക്കുമായി മാറ്റി. അതോടെ പ്രകൃതി രമണീയമായ കാശ്മീരിൽ മറ്റ് സംസ്ഥാനക്കാർക്ക് സ്ഥലം വാങ്ങാൻ പറ്റില്ല എന്നത് മാറി കിട്ടി. അവിടെ റിയൽ എസ്റ്റേറ്റ് കച്ചവടവും റിസോർട് ടൂറിസവും വൻ കിടക്കാർ കയ്യടക്കി.

അടുത്തതായിരുന്നു ഡാമൻ ഡിയു ദാദ്ര നഗർ ഹവേലി . അത് ഏതാണ്ട് തീരുമാനം ആക്കി.

ഇപ്പോൾ ലക്ഷദീപ്...

ഇനി അടുത്തത്?