റിയാദ്: കടയിൽ വീണ് പരിക്കേറ്റ പ്രവാസി മലയാളി അന്തരിച്ചു. സഊദിയിലെ തബൂക്കിൽ താമസിച്ചിരുന്ന കോഴിക്കോട് തൊണ്ടയാട് സ്വദേശി തെക്കോടൻ യൂസുഫ് ആണ് അന്തരിച്ചത്. 64 വയസായിരുന്നു. തബൂക്ക്‌ കിങ് ഖാലിദ് ആശുപതിയിൽ ചികിത്സയ്ക്കിടെയാണ് മരണം.

നാലുദിവസം മുമ്പാണ് അൽ ബദയിലെ കടയിൽ വീണു തലയ്ക്ക് ഗുരുതര പരുക്കേറ്റത്. ശസ്ത്രക്രിയയ്ക്കു വിധേയമാക്കിയെങ്കിലും ഞായറാഴ്ച ഉച്ചയോടെ മരിക്കുകയായിരുന്നു. വർഷങ്ങളായി തബൂക്കിൽ ബിസിനസ് മേഖലയിൽ പ്രവർത്തിച്ച് വരികയായിരുന്നു യൂസുഫ്.

നാൽപതു വർഷമായി പ്രവാസിയായ യൂസുഫ് സാമൂഹിക-സന്നദ്ധ സേവന മേഖലയിൽ സജീവ സാന്നിധ്യമായിരുന്നു. മദീന, മക്ക, ജിദ്ദ തുടങ്ങിയ സ്ഥലങ്ങളിൽ നേരത്തെ ജോലി ചെയ്തിരുന്നു.

ഭാര്യ: തിത്തുമ്മ. മക്കൾ: ഹാരിസ്, ആരിഫ്, സാജിത. മരുമക്കൾ: അഷ്‌റഫ്‌, ജസീല, സാലിഹ