തിരുവനന്തപുരം: സംസ്ഥാനത്ത് വേനല്‍മഴ ശക്തിപ്പെട്ടു. മധ്യ തെക്കന്‍ കേരളത്തിലെ കിഴക്കന്‍ പ്രദേശങ്ങളും മറ്റ് ചില ഇടനാട് പ്രദേശങ്ങള്‍ കേന്ദ്രികരിച്ചും വേനല്‍ മഴയ്ക്ക് സാധ്യത. നാളെ മുതല്‍ കുറച്ചുകൂടി വ്യാപകമായ മഴ പ്രതീക്ഷിക്കാം.

വടക്കന്‍ കേരളത്തില്‍ ഉള്‍പ്പടെ നാളെ മുതല്‍ കൂടുതല്‍ പ്രദേശങ്ങളില്‍ മഴ സാധ്യതയുണ്ട്. അതിശക്തമായ ഇടിമിന്നലിനു സാധ്യതയുള്ളതിനാല്‍ ജാഗ്രത വേണം. കോഴിക്കോട് വയനാട് മലപ്പുറം ജില്ലയുടെ ചില ഭാഗങ്ങള്‍ എറണാകുളം ജില്ലയുടെ തീരദേശം എന്നിവിടങ്ങളിലാണ് ഇന്ന് ഉച്ചവരെ മഴ ലഭിച്ചത്.

എറണാകുളം മുതല്‍ കണ്ണൂര്‍ വരെയുള്ള ഭാഗങ്ങളില്‍ ആകാശം ഇന്ന് മേഘാവൃതമായി കാണപ്പെടും. കോഴിക്കോട് വയനാട് ജില്ലകളില്‍ പൂര്‍ണമായും മേഘാവൃതമാകും. ലക്ഷദ്വീപിലും ഇന്നും നാളെയും മറ്റന്നാളും മഴ ലഭിക്കും.