ന്യൂഡല്‍ഹി: നിരവധി ഊഹാപോഹങ്ങള്‍ക്കൊടുവില്‍ ശേഷിക്കുന്ന ഐ.പി.എല്‍ മത്സരങ്ങള്‍ യു.എ.ഇയില്‍ നടത്താന്‍ തീരുമാനം.

ബി.സി.സി.ഐയുടെ പ്രത്യേക യോഗത്തിന് ശേഷമാണ് ഐ.പി.എല്ലിലെ ബാക്കി മത്സരങ്ങള്‍ക്ക് യു.എ.ഇ വേദിയാകുമെന്ന അറിയിപ്പ് ഉണ്ടാകുന്നത്. നേരത്തെ തന്നെ യു.എ.ഇയിലാവും ഐപിഎല്‍ പുനരാരംഭിക്കുന്നതെന്ന് റിപ്പോര്‍ട്ടുകള്‍ ഉണ്ടായിരുന്നെങ്കിലും ഇപ്പോഴാണ് ബിസിസിഐ ഇക്കാര്യത്തില്‍ ഔദ്യോഗികമായ ഒരു തീരുമാനത്തിലേക്ക് എത്തുന്നത്.

സെപ്റ്റംബര്‍ ഒക്ടോബര്‍ മാസങ്ങളില്‍ ആണ് ഐപിഎല്‍ നടത്തുവാന്‍ തീരുമാനിച്ചിരിക്കുന്നത്. ഇന്ത്യയിലെ മോശം കാലാവസ്ഥയും കൊവിഡ്‌ സാഹചര്യവും പരിഗണിച്ച് ബയോ ബബിള്‍ സംവിധാനത്തില്‍ രാജ്യത്ത്  കളി നടത്തുക അസാധ്യമായതിനാലാണ് ഈ തീരുമാനത്തിലേക്ക് എത്തിയതെന്ന് ബി.സി.സി.ഐ അറിയിച്ചു. 

https://twitter.com/ANI/status/1398543437779988481