ഇസ്താംബൂള്‍: തുര്‍ക്കിയില്‍ വിവാഹാഘോഷ ചടങ്ങിനിടെയുണ്ടായ സ്‌ഫോടനത്തില്‍ 30 പേര്‍ മരിച്ചു.94 പേര്‍ക്ക് പരുക്കേറ്റു. ശനിയാഴ്ച്ച രാത്രി 11 മണിയോടെയാണ് സ്‌ഫോടനമുണ്ടായത്. പരുക്കേറ്റവരെ ആശുപത്രിയില്‍ പ്രവേശിപ്പിച്ചിരിക്കുകയാണ്. 

തുര്‍ക്കിയിലെ ഗാസിയന്‍ടെപ് സിറ്റിയില്‍ നടന്ന വിവാഹാഘോഷ പരിപാടിക്കിടെയാണ് ആക്രമണമുണ്ടായത്. ചാവേര്‍ ആക്രമണമാണ് നടന്നതെന്ന് സംശയിക്കുന്നു.

കുര്‍ദിഷ് വിമതരോ ഐ.എസ് തീവ്രവാദികളോ ആണ് ആക്രമത്തിനി പിന്നിലെന്ന് സംശയിക്കുന്നതായി തുര്‍ക്കി ഉപപ്രധാനമന്ത്രി മെഹ്മെറ്റ് സിംസെക് പറഞ്ഞു.

കഴിഞ്ഞ വര്‍ഷങ്ങളില്‍ തുര്‍ക്കിയുടെ തെക്കുകിഴക്കന്‍ ഭാഗങ്ങളില്‍ തുടര്‍ച്ചയായി തീവ്രവാദി ആക്രമണങ്ങള്‍ ഉണ്ടായിട്ടുണ്ട്. എന്നാല്‍ ഇതിന്റെ ഉത്തരവാദിത്വം ഐ.എസോ കുര്‍ദ്ദിഷ് വിമതരോ ഏറ്റെടുക്കുകയും ചെയ്തിട്ടുണ്ട്.