നിങ്ങള്‍ ട്രെയിനില്‍ യാത്ര ചെയ്യുന്നവരാണോ എങ്കില്‍ എപ്പോഴെങ്കിലും എമര്‍ജന്‍സിയായി ടിക്കറ്റെടുത്ത് കണ്‍ഫോമാവാനായി കാത്തിരിക്കേണ്ടിവന്നിട്ടുണ്ടാവും. അത്തരം സന്ദര്‍ഭങ്ങളില്‍ സഹായത്തിനായി റെയിലോ ഫൈ വാട്‌സ് ആപ്പ് നമ്പറുണ്ട്. ട്രയിന്‍ സമയം നോക്കി ഓടികിതച്ച് എത്തുന്ന സമയത്ത് പലപ്പോഴും ട്രെയിന്‍ ലേറ്റാകാറുണ്ട് റെയില്‍ വേ സ്‌റ്റേഷനിലേക്ക് ഇറങ്ങുന്നതിന് മുന്‍പ് ട്രയിനിന്റെ റണ്ണിങ് സ്റ്റാറ്റസ് അറിഞ്ഞാല്‍ അതിനനുസരിച്ച് ബാക്കി കാര്യങ്ങള്‍ ചെയ്യാം.

നിങ്ങളുടെ സീറ്റ് നമ്പര്‍ കണ്‍ഫോം ആണോ ട്രെയിന്‍ ലേറ്റാണോ തുടങ്ങി എല്ലാ വിവരങ്ങളുമറിയാം വാട്‌സ് ആപ്പ് മെസേജിലൂടെ. നിങ്ങളുടെ ടിക്കറ്റില്‍ മുകളിലായി ഇടതുവശത്തു കാണുന്ന പി.എന്‍.ആര്‍ നമ്പര്‍ 9881193322 എന്ന വാട്‌സ്ആപ്പ് നമ്പറിലേക്ക് മെസേജ് ചെയ്യുക. ഉടന്‍ തന്നെ നിങ്ങളുടെ സീറ്റ് സ്റ്റാറ്റസ് സംബന്ധിച്ച വിവരം ലഭിക്കും. ഇതിന് പുറമേ ട്രെയിന്‍ വൈകിയാണോ ഓടുന്നത് തുടങ്ങിയ വിവരങ്ങളും ലഭ്യമാകും.