വൃദ്ധയായ ഉമ്മയെ ചുമലിലേന്തി ത്വവാഫ് ചെയ്യുന്ന മകന്‍. മകനോടുള്ള അളവറ്റ വാത്സല്യത്താല്‍ ഇടക്കിടെ അവന്റെ നെറുകയില്‍ ചുംബിക്കുകയും കവിളുകളും താടിയും തലോടുകയും ചെയ്യുന്ന ഉമ്മ. ഉംറക്കിടയില്‍ നിന്നുള്ളതാണ് ഈ മനോഹര ദൃശ്യം. ഉമ്മയോടുള്ള മകന്റെ വാക്കുകള്‍ക്കതീതമായ സ്‌നേഹം ദൃശ്യമായ ഈ വീഡിയോ ഏതായാലും സോഷ്യല്‍ മീഡിയയില്‍ വൈറലാണ്.

വയസ്സാവുന്നതോടെ ഒരായുസ്സ് മുഴുവന്‍ തങ്ങള്‍ക്കായി ഉരുക്കിത്തീര്‍ത്ത മാതാപിതാക്കളെ വൃദ്ധസദനങ്ങളില്‍ ഉപേക്ഷിക്കുന്ന, ആട്ടിയകറ്റുന്ന എന്തിനേറെ അവരുടെ ജീവനെടുക്കാന്‍ പോലും മടിക്കാത്ത കാലത്തെ ഈ പിരിശക്കാഴ്ചയെ ഹൃദയത്തോട് ചേര്‍ത്തു പിടിച്ചിരിക്കുകയാണ് ലോകം.

? #فيديو | معتمر يحمل والدته على كتفيه ويطوف بها حول الكعبة لأداء مناسك #العمرة.
(متداول)#عكاظ#ان_تكون_اولاhttps://t.co/hiZirp74eV pic.twitter.com/VGdrrhVT9E

— عكاظ (@OKAZ_online) April 7, 2023

ഏത് നാട്ടുകാരനാണ് ഇയാളെന്ന് പ്രചരിക്കുന്ന വീഡിയോയില്‍ പറയുന്നില്ല. മകന്റെ ചുമലില്‍ ഒരു റാണിയെ പോലെ ഇരിക്കുന്ന ആ ഉമ്മയുടെ കണ്ണുകളില്‍ മിന്നുന്ന സന്തോഷം വിവരാണതീതമാണ്. വീഡിയോക്കു കീഴില്‍ അവര്‍ക്കായുള്ള പ്രാര്‍ത്ഥനകള്‍ നിറയുകയാണ്.