HOME
DETAILS

കാലവര്‍ഷ പ്രവചനങ്ങളില്‍ ആശയക്കുഴപ്പം; വിശദീകരിച്ച് വലഞ്ഞ് കേന്ദ്ര കാലാവസ്ഥാ വകുപ്പ്

  
backup
May 31 2021 | 23:05 PM

6541-24315


തിരുവനന്തപുരം: കാലവര്‍ഷം എത്തുന്നത് സംബന്ധിച്ച പ്രവചനങ്ങളില്‍ ആശയക്കുഴപ്പമുണ്ടായതോടെ, പ്രവചനത്തിലെ വസ്തുതകള്‍ വിശദീകരിച്ച് വലഞ്ഞ് കേന്ദ്ര കാലാവസ്ഥ വകുപ്പ്. മേയ് 31 ന് കാലവര്‍ഷം കേരളത്തിലെത്തുമെന്നായിരുന്നു ആദ്യപ്രവചനം. ഈ മാസം മൂന്നിന് മാത്രമേയുള്ളൂവെന്ന് പിന്നീട് വിശദീകരണമെത്തി. സ്വകാര്യ ഏജന്‍സികള്‍ വ്യത്യസ്ത വിലയിരുത്തലുകള്‍ നടത്തിയതോടെയാണ് കേന്ദ്ര കാലാവസ്ഥ വകുപ്പിന് കൂടുതല്‍ വിശദീകരണം നടത്തേണ്ടിവന്നത്.
അതിനിടെ ജൂണ്‍ മൂന്നിന് കാലവര്‍ഷത്തിന്റെ ഭാഗമായ മഴ ലഭിക്കാന്‍ ഇടയില്ലെന്ന വിലയിരുത്തലുകളും വന്നിട്ടുണ്ട്. കേന്ദ്ര കാലാവസ്ഥ വകുപ്പുതന്നെ ഇന്നലെ പുറത്തിറക്കിയ ബുള്ളറ്റിനില്‍ ജൂണ്‍ മൂന്ന്, നാല് തീയതികളില്‍ മഴ മുന്നറിയിപ്പുകള്‍ ഒന്നും നല്‍കിയിട്ടില്ല. ഇന്ന് പത്തനംതിട്ട, ആലപ്പുഴ, എറണാകുളം ജില്ലകളിലും നാളെ കൊല്ലം, പത്തനംതിട്ട, ആലപ്പുഴ ജില്ലകളിലും മാത്രമാണ് ശക്തമായ മഴയ്ക്കുള്ള സാധ്യത പ്രവചിച്ചിരിക്കുന്നത്. ഈ മാസം അഞ്ചി നു ശേഷമേ മഴ സജീവമാവുകയുള്ളൂവെന്നാണ് സ്വകാര്യ ഏജന്‍സികളുടെയും പ്രവചനം.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."