ന്യൂഡല്‍ഹി: കോര്‍ബവാക്‌സ് ബൂസ്റ്റര്‍ ഡോസായി കുത്തിവെക്കാന്‍ അനുമതിയായി. ഇതിനായി ഡി.സി.ജി.ഐ അനുമതി ലഭിച്ചതായി വാക്‌സിന്‍ ഉത്പാദകരായ ബയോളജിക്കല്‍ ഇ അറിയിച്ചു.

ഇന്ത്യയുടെ ഡ്രഗ്‌സ് റെഗുലേറ്റര്‍ ഡിസിജിഐ ഏപ്രില്‍ അവസാനത്തോടെ 5 നും 12 നും ഇടയില്‍ പ്രായമുള്ള കുട്ടികള്‍ക്കായി കോര്‍ബേവാക്‌സിന് അടിയന്തര ഉപയോഗത്തിനുള്ള അനുമതി
നല്‍കിയിരുന്നു.

കൊവാക്‌സിനും കൊവിഷില്‍ഡും ആദ്യ രണ്ട് ഡോസ് ആയി സ്വീകരിച്ച ശേഷം കോര്‍ബവാക്‌സ് സ്വീകരിക്കാം. 18 വയസിന് മുകളിലുള്ളവരില്‍ ബൂസ്റ്റര്‍ ഡോസായി കുത്തിവെക്കാന്‍ ആണ് ഡിസിജിഐ അനുമതി നല്‍കിയിരിക്കുന്നത്.