കണ്ണൂര്‍: വീട് പൊളിച്ചുമാറ്റുന്നതിനിടെ ചുവരിടിഞ്ഞ് വീണ് പരുക്കേറ്റ് ചികിത്സയിലായിരുന്ന അഞ്ചുവയസ്സുകാരി മരിച്ചു. ജിസ ഫാത്തിമ ആണ് മരിച്ചത്. കണ്ണൂര്‍ ഗവണ്മെന്റ് മെഡിക്കല്‍ കോളജ് ആശുപത്രിയില്‍ ചികിത്സയില്‍ ആയിരുന്നു.

തളിപ്പറമ്പ് തിരുവട്ടൂര്‍ അംഗണവാടി റോഡിലെ അറഫാത്തിന്റെ വീടിന്റെ ചുവരാണ് തകര്‍ന്നത്. ഇന്നലെ രാവിലെയാണ് സംഭവം. പഴയ വീടിന്റെ ചുമര് പൊളിച്ച് മാറ്റുകയായിരുന്നു. ചുമരിന്റെ മറുവശത്താണ് കുട്ടികള്‍ നിന്നിരുന്നത്. ഇത് ചുമരുപൊളിക്കുന്നവരുടെ ശ്രദ്ധയില്‍ പെട്ടിരുന്നില്ല.